熱帶淡水魚跳出水面

水溫高魚會唔會跳，真係唔知。陸上動物如果遇上氣溫高，身體要散熱，溫血動物會流汗，汗裏面會好多礦物鹽，動物會好攰；涼血動物要熱能令身體不同功能運作，過熱時佢地要躲入樹蔭石底，太熱都會休克。魚係涼血動物，去到過３０度時，會唔會奮力一跳，我唔敢包。
但有幾樣o野你要注意：
１．新魚對水
水質不適應，魚好可能有 pH shock（因酸鹼度突變而出事），其中一個反應就係跳出o黎睇下有冇機會脫出。所以你要對好水，時間愈長，每次加魚缸舊水愈少，魚就愈適應得好。
２．新魚受驚
突然熄燈開燈、發出大o既聲響（門開關聲、電視聲），俾魚追（缸內ｄ魚有攻擊性）而缺乏藏身之所，都會跳缸。
３．水位高
燈魚普遍冇原生鬥魚咁有跳躍力，但要跳兩寸一ｄ問題都冇。以我個缸為例，開缸十條新燈跳左七八條，直到ｄ高身水草插好，就再冇跳過。呢ｄ草不單為燈魚提供掩護，亦俾到一個「樹蔭」佢地，令佢地有安全感。
一個未穩定o既缸，你可以用膠板、報紙蓋一蓋個頂，都係方法。

其實如果個缸唔夠氧,
d魚都會因為缺氧又跳缸既~

五分？高手不會詳細說的

Hi, D魚跳出來是有幾種原因的, 有些新魚會是不適應水質 (如金青苔清道夫),
或被其他惡魚追, 被迫跳出來, 又或水質有問題, 魚會在缸內撞來撞去, 跳了出來,
有些魚生猛過度, (有過度活躍症)
圖片參考：http://tw.yimg.com/i/tw/ugc/rte/smiley_10.gif
, 所以會跳出來.
所以你的缸要有基本設備 : 過濾器 (有碳包, 過濾棉...等 ), 氣泵 (增加氧氣), 有暖管 (過幾天入白露節令了, 早晚天氣會涼些, 日間又會熱, 若溫差大, D魚會容易有病, 所以最好有到26度左右就可以自動關閉暖管), 有燈 (早開晚關).
D魚多數不會因為熱而跳出---到熱到有問題, D魚都呆呆的,不會跳了. 所以魚缸要有溫度計, 不要過29度以上.
注意水質, 約一星期換1/3水, (要養水 ---用桶裝著一至兩天---使水喉水的氯氣揮發).
****
圖片參考：http://tw.yimg.com/i/tw/ugc/rte/smiley_4.gif
當然, 你要注意下D魚是什麼情況跳出的, 而且快些找個蓋蓋上(多數魚缸有玻璃蓋,蓋番啦).