見工時的問答

其實見工最緊要係著得大方德體，見接待員我建議著得斯文少少，如著裙咁，個人覺得只要著得整齊，show比人睇你有尊重個interview就ok。化妝方面我則建議宜化少少，即淡妝便可，因為化得太濃反而弄巧成拙，令人覺得你濃妝艷抹。



要注意既野：

1. 一定要準時，最好係早十五分鐘到見工地點，因為好多時去到仲要你填下表咁，早少少去到亦可以比自己習慣下個環境。所以，一定要預早check清楚見工地點，應該搭咩車去等等。

2. 帶齊學歷証明，最好用一個file入好，雖然佢未必會睇，但帶齊資料對你填表都好有幫助。

3. 見到公司任何職員都要有禮貌，如叫早晨、再見、唔該等等，經常笑口迎人，增加人地對你既印象分。



見工通常會問：

1. 請你介紹自己(1分鐘--2分鐘)-----宜講下自己興趣、有冇d咩目標、想點樣發展自己事業等等(當然係作都冇問題啦)，最緊要係個老細岩聽。

2. 問你點解會對呢份工有興趣？你認為自己點解可以勝任呢份工？or你想係呢份工入面拎到d咩野？-------呢d最好就match返之前介紹自己時既興趣、目標等等啦。

3. 跟住多數會再比d情景題，例如：當你面對一d困難(如語言不通、同事相處有問題、有客無理取鬧等)，會如何處理？--------只要你既答案係係公司方面著想，而且表現到自己有能力去處理就可以架啦，例如：用文字、手語去溝通；多主動向同事學習、請教；先向客人賠不是先，再了解情況等等



最後，你話見工唔睇樣就假架啦，但又唔駛太擔心，呢個世界d老細都只會鍾意請幫到公司既人，只要你show到比人睇你既能力、熱誠就ok架啦。



p.s.即使見唔成都唔緊要既，而家社會上咁多空缺，好快可以搵到，比心機！

我想問如果見工時個老闆問以下問題
應該要點樣答先係最好的答案呢?thanks!

1.點解會揀診所助護做?? 2.點解會捺接待員做?
很可惜你在這裡發問類似的問題，都祇會得到一大堆廣告的回覆！你算是好運氣了，有人 copy 了一個標準答案給你！但未必合你用！
對於你的這兩個問題，我覺得其實可以一併回答。
其實你見的工種祇是診所助護和接待員，並非高級職位(絕無歧視閣下的意思，祇是以事論事)。根本無需長篇大論的說甚麼希望在這個行業發展呀！或是希望學成有晉升機會等話！
要在僱主的立場想一想，他需要怎樣的員工？
他要一個學識和熟習工作就會離開的員工嗎？
他會想請一個騎牛搵馬，隨時跳槽的員工嗎？
他想要一個擁有高學歷和不斷進修的員工嗎？
上述的員工隨時都會在短時間內離職，僱主如請了這些人便又要浪費時間和資源重新招聘和培訓，這是管理學上的大忌！所以按以上兩個職位來說，過分的賣弄會是弄巧反拙的！
答案是他想要一個有基本能力，而又有興趣長期做這份工的員工！所以你要說的話非常簡單，就說你想做這一份工！或者直接的說你希望得到這份工！如果你有機會從事這份工作的話，你保證會用心的投入工作，遇上不明白你樂意去學和改進，你亦有興趣長時間從事這份工作！最重要是你要表達出你對這份工作的誠意！成功獲聘的機會才會提高！
個人意見！未必正確！希望可以幫到你！
圖片參考：http://tw.yimg.com/i/tw/ugc/rte/smiley_35.gif