搭飛機去美國有甚麼手續? (出入境, 過關, 搭飛機等..)

首先，你無論係未跟團，都必須到美國領事館簽証的，你可都以下網址了解詳情︰
http://chinese.hongkong.usconsulate.gov/visa_services.html
攞咗簽証後，
1) 就可在出發當日到機場到你所屬的航空公司櫃位登記及攞機票，記緊要預早兩個鐘登記呀。(在訂機票時航空比的資料上有班機編號，你可在機場的顯示屏尋找)
2) 到達櫃位，你要把所有証件(包括Passport及簽証)比櫃位職員，及把大件的行李寄倉(手提行李可自己帶上飛機)，但寄倉及手提行李都不可過重，你可參與你航空公司的資料或以下航空公司資料︰http://www.singaporeair.com/saa/zh_TW/content/before/plan/baggage_allowance.jsp
3) 完成後，職員會給你登機証，証上有登機時間、閘口編號、坐位編號。記住攞番所有証件呀。(登機時間多數會在飛機起飛時間前半小時左右)
4) 到夠鐘入閘時，入口會有人睇你的passport及飛票，記住攞定呀。
5) 跟住就要排隊過關，過關時入境處職會會睇你的passport。(如果你係香港居民，一定要排香港居民出境條隊呀，唔你排錯呀﹗)
6) 睇完passport，第二關係檢查行李，除手提行李之外，也要拿身上所有物品放在膠盆內過x光機。
7) 完成檢查後，就入到登機大堂，就搵你個閘口編號方向(你會看到好多有數字的藍色牌，你照指示行就得。)。註︰有機會指示牌可能帶你到月台，要你撘無人駕駛列車，如果係你可以放心照上吧，你唔放心可以先問下人吧。
8) 到達指定閘口，等職員指示登機
9) 登機後，就搵自己個位啦，在排坐位上是行李架，架邊會有個坐位編號，搵到位後，可把手提行李放上行李架，如果行李細件，可放腳底位置。
10) 好。到落機呀。又要過關呀，職員會睇你passport同簽証
11) 檢查行李
12) 完成後，到第一個大堂，你會睇到顯示屏，上面有班機編號同寄倉行李輸送帶編號，搵到就去指定輸送帶等寄倉行李出黎，有時好快，有時要等好耐(耐可能要半個鐘架)
13) 搵完行李就可離開入境大堂，出口個度有機會職員會再要檢查行李(抽樣)

大至係咁啦，希望資料可幫到你

2008-09-05 03:32:24 補充：
係呀，仲要填野架，上到飛機時，中途空姐會派比你，十幾個鐘，你可以慢慢填。

當你已有簽証﹐大至行程如下 :
1抵達香港機場。
2搵番你航空公司的櫃位﹐排隊登記。
3一般可張兩件行李寄倉﹐兩件自己帶上機。至於重量同體積限制﹐間間公司唔同﹐
睇番你張機票﹐一定有講。
4將你要寄倉的行李放上條輸送帶度﹐過磅。
5地勤員會 check 你機票同護照﹐同話比你聽幾點登機。
6離開櫃位等﹐登機時間一個鐘前好入閘。
7入閘後﹐手提行李要過透視機﹐你自己則要過金屬探測器。唔想比人大字型咁搜
身﹐請將所有金屬物品過透視機。
8過人民入境事務處﹐又 check 多次護照。如果你有香港永久居民有身份證﹐可以
行自動出閘機﹐唔洗排長龍。過程同去深圳一樣。
9搵你既登機坪號碼 / 閘口。呆等。附近有洗手間同吸煙室﹐比你作最後沖刺。

10夠鐘上機﹐臨上機前會有人 check 你手提行李﹐任何超過 100 毫升既液體都唔
準帶上機。
11上到機搵位坐。呆等。
12飛行途中小姐有兩張 form 派﹐記得兩張都要。填左佢。一張係海關用﹐唔好填有帶生果﹐唔好填去過農場﹐唔好填你帶左好多錢或好多值錢野﹐一家人只要填一張就得。另一張表好似叫 i-94﹐照填。
13呆等﹐呆等﹐呆等﹐呆等﹐再呆等﹐落機。
14排 Visitor 果條隊。check 護照﹐打手指模。關員可能會問你邊度黎﹐去邊度﹐做乜野等等。佢會將你之前填果張大i-94 撕開同釘落你個護照度。唔好唔見﹐第日返香港要用架。
15在你班機的行李帶度等行李。
16拿行李後再過最後一關﹐有人收你之前填比海關果張野。如果你照我吩咐咁填﹐佢 99% 會信你﹐比你直接出閘。如果你樣太衰﹐或者你填有帶生果或上面我講果 d 野﹐你就會比人叫去開行李﹐大搜查。記住﹐月餅都係唔帶得架。
17沿無意外﹐此時你已出閘﹐正式踏上美國國土了。

去美國之前visa就一定要有,
到左機場, 去櫃位cheak-in, 寄行李同埋拎埋boarding pass,
之後入禁區就先安檢, 再出境(身分證/passport)
搵到上機既gate, 要比個boarding pass先可以上機,

到左美國, 有2份野要填(英文-.-問你好多野)
過海關時都搞好耐, 仲要影相,
之後先拎行李.

我記得既就咁多
希望幫到你