BB要飲幾多安人奶

每個BB都唔同，有BB五星期都飲到4-5安，有D就飲得2-3安。至於BB飲人奶既話，其實都係飲左5分鐘到，其餘時間佢都係係到啜架咋，不過都要比佢繼續啜，因為啜得多先多奶分泌出黎架嘛
不過飲人奶就真係唔可以真正知道佢飲左幾多安 (不過一定夠佢飽) 到你泵出黎可能又會小D，因為冇左BB既口水刺激，所以係會小D既，如果泵左15分鐘都仲見到有奶既話可以泵多5分鐘，冇既話就轉第二邊。 另外你可以多D做按摩，用熱毛巾敷下，再加埋平時都要保持輕鬆愉快既心情，咁就可以越泵越多架喇。最好朝早番工果時泵奶，夜晚都照埋身餵，咁樣都可以刺激到分泌多D奶水
仲有就係而家泵2安出黎就要試下比佢飲，一來睇下佢用奶樽用成點，因為唔係個個BB都肯用。二來就可以睇下佢飲2安夠唔夠。若果未泵得到咁多，而BB飲2安又唔夠就要加奶粉架喇
如果BB唔肯飲奶樽，你就要快D開始訓練佢，要等佢最肚餓既時候先比個奶樽佢啜，咁佢多數都肯用奶樽架喇，之後用得幾次，佢就會習慣

2008-09-05 12:21:43 補充：
岩岩睇到樓上果位既建議，BB一邊飲奶一邊泵可能真係泵到多D
不過如果係用手動泵既話，問題唔大
若果你用既係電動泵，咁就會好嘈架喇，會嘈住BB飲奶
而且部機太接近BB既頭仔同耳仔，咁響既聲音都對BB既發展有影響

你係咪想型d, fit d又健康d?
我個女13歲, 都是用這方法, 一個月減10磅, 三個月減20磅.
改善鼻敏感, 流鼻血, 靚咗, FIT咗, 讀書仲好咗, 仲拿第一添.
介紹我飲一隻營養蛋白素做營養早餐,當細胞吸收充足營養，扺抗力就增強，生病的情況就會自然大大減少！低卡路里，代替早餐, 午餐兩餐，可作為減重, 代替一餐，可作為keep fit.
一杯營養代餐相當於33種蔬菜, 6種水果, 內含200多種養養素,
100%天然草本素食者亦食用, 蛋白素相等於 5 錢燕窩、2 份蔬菜、1 份水果、1 塊牛扒同半杯鮮奶！
http://www.healthcometrue.com/life

其實一般要泵 30mins,你可以先泵一邊15mins 再泵另一邊15mins ,交替咁泵 ,如果可以既話兩邊一齊泵會多好多....

再唔係可以下次bb食緊時 ,你又一齊泵另外個邊 ,咁泵出黎既奶只係會少過bb食既少少 ,你可以知大慨份量

泵奶時要心情放鬆 ,可以坐係bb隔離睇下bb個可愛樣, 心情會好d ,而且bb既氣味亦會可以令你過程順利d ,d奶奶多d...

假如真係唔得既 可以休息下先再努力過 , 一般 30mins-90 mins 就可以再泵過 , 但最重要係媽媽要量力而為!!!

雖然人奶係對bb好好 ,但媽媽身體同心情唔好都會影響奶量同奶質
即使無法餵人奶都唔好自責 ,因為你已經好努力 , 係咪?? ^^

其實bb食多食少係個個唔同 ,而且同一個bb每餐都會唔同 ,唔需要太過緊張.....

而媽媽既奶量一般係唔同時間都有分別 . 早上奶量會多d 晚上會少d...

如果你覺得真係太少既 ,可以係唔同時間再泵下 ,睇下會唔會好d~~

另外bb食多少唔係只係睇個bb幾大 ,仲要睇下個bb幾重架~

有d bb食得好少但體重都會重得好好 ,所以最好係睇下bb有幾多尿尿...

我個傻bb ,三個月大時食得 3 安,但又重得極快 ,少少問題都無 ,連姑娘都話冇問題

所以唔需要太擔心

2008-09-06 00:14:49 補充：
如果可以既話兩邊一齊泵會多好多....

至於奶樽呢個問題 ,唔洗太擔心 ,因為你個BB仲咁細 ,比較容易接受新野 ,但要小心選擇奶嘴 ,因為人奶係會出得慢D ,奶嘴的話現家一定要記得係細碼....

下方個位朋友話等佢好肚餓先餵 ,我自己唔太讚成 ,因為餵人奶係好有安全感,一邊食一邊聽住媽媽心跳聲 ,如果太餓佢地會好缺乏安全感 ,始終食奶同喊對於D咁細個BB係好大運動量 ,不停咁做運動會令佢地訓覺質數降低,BB係在訓覺時發育 ,訓得唔好仲會令佢地好活潑,你會好難湊.....

我自己由人奶轉奶樽時 ,我BB會比抱近自己,儘可能比佢覺得咩方法都係一樣咁有安全感

2008-09-14 00:27:07 補充：
仲有最緊要係要泵清乳房既奶~~

第一 ,要泵清晒先可以保持奶量 ,因為如果有剩餘的話,下次大腦就會以為唔需要咁多 ,會慢慢減少造奶量 ,慢慢就有可能唔夠 ,相反 ,每一次都泵清既話 ,就可以增加奶量 ,唔需要擔心bb食唔夠

2008-09-14 00:27:12 補充：
第二 , 人奶頭個d大部份係水份 , 雖然係好有營養 ,但係所含脂肪係好少 ,亦唔會夠飽 ,而且bb唔會長肉 ,所以要注意bb食奶時間 , 如果係泵出黎 ,你可以留意返時間 ,同睇下d奶奶顏色 ,一般頭2-3分鐘頭奶會好淡色 ,冇味道 , 大慨5分鐘度, 會開始程比較深色 ,一般大慨 8-10 分鐘度 ,個d就係後奶 ,會同平時我地飲既牛奶顏色好相似 ,味道亦會較甜 ,好濃

仲重要係要有耐性 ,無論係泵出黎都埋身食都要記住呀

好難計到要食幾多安人奶先夠wor!
你應該觀察大便及小便的次數份量,
o個時我個仔一日起碼要換十塊片!
用奶泵同餵bb唔同,你越心急越難泵到奶,
盡量放鬆心情,又或者試用人手揸奶,
等乳房適應左先再用奶泵!
你bb亦需要時間去適應用奶樽食奶,

[香港母乳育嬰協會]既網頁有好多有用既資訊,
http://www.breastfeeding.org.hk/

希望可以幫到你啦!
努力呀!母乳媽媽!