✔ 最佳答案
首先，其實你有兩個截然不同的目標：1) 減磅；2) 增肌。
呢兩個係不同的目標，而所需要做的運動亦截然不同的。你想兩邊都一齊做，只會變成兩頭唔到岸。
所以我建議你先集中達成一個目標，然後再朝向第二個目標進發。至於減肥先定增肌先？其實無一定的，呢個只係個人選擇，兩種次序都有人做，而且一樣可以成功的。
要減幫，其實離不開做帶氧運動，例如跑步，踩單車等等。平均每星期三次，每次 30 分鐘或以上就可以了。當然，如果你體能上承受得都的話，做得密一點，每次做耐一點亦可以，最緊要量力而為。
要增肌的話，就要做重量訓練，詳細鍛鍊方法建議你問教練，不過有點基本資料可給你參考：
1。一般每星期最少練 3 次，隔日去，每次平均 1 小時 至 1.5 小時；
2。每次練完一組肌肉，最少要讓那部份休息 48 小時才可以再練。不過響那段時間你可以改練其他部份；
3。一般每次都係練一組大肌肉 (例子胸，背) + 1 至 2 組小肌肉 (例子二頭，三頭)；
4。要食多點碳水化合物及蛋白質，前者提供能量，後者則用來建造肌肉，兩樣都好重要；
5。充足休息，要增肌的話，就要有充分睡眠。每晚睡 8 小時係標準，專業的健美先生甚至訓得更多的；
6。做重量訓練前建議做 7-10 分鐘帶氧運動作為 warm up，不必做得好耐，否則反而妨礙之後的 重量訓練；
7。拉筋係 optional，單純從增肌角度來看並不是必須要的，不過拉筋可以減少受傷機會，所以依然建議你拉 3-5 分鐘 (帶氧運動 warm up 之後)；
8。健身奶粉有助增肌，建議做完 gym 之後立即食。唔做運動個日亦要食，當下午茶好了。有助增肌同買幫你運動後恢復體力的；
9。不過就算你集中練增肌，都唔代表你唔洗做帶氧，只不過係唔需要做咁密，可以改為每星期做一次，每次 45 分鐘。
最後想提醒你，無論你的目標係增肌定減磅，都必須要持之以恆，否則永遠達不到目標的。努力吧!
2008-09-04 19:53:48 補充：
PS，話時話，我無聽過有燒脂功能的奶粉喎。奶粉有兩隻，一種係 whey protein，主要是蛋白質；另一種係 gainer，同時有蛋白質同碳水化合物。兩種都只能夠增肌，卻不能燒脂。
當然，市面上亦有幫助燒脂的產品，但那些並不是奶粉啊。
2008-09-04 19:56:25 補充：
重有，食奶粉的時間有兩個選擇，效果不同的：
做運動前食可以增加耐久力同稍為提升力量；做運動後則幫助增肌給恢復體力。亦有人之前之後都食，不過有機會引起腸胃不適的，要自己試過至知受唔受到。
2008-09-04 19:58:14 補充：
最後都提醒多一次，兩個目標，先揀一個，完成再做另一個。否則左手畫圓，右手畫方，兩皆不成的。
2008-09-05 14:49:21 補充：
如果你要配合泰拳的話，咁我建議你先減磅 (做帶氧運動)。當你減到咁上下，先至再增肌吧。因為太過筋肉型會令反應變慢的。
2008-09-05 15:50:37 補充：
以你 174cm 高，要減到 75kg 當然無問題啦，仍然係好健康的體重，好健碩，有肌肉的身形呢!
不過 89kg 減到 75kg，即係要減 14kg，無疑係要俾多點耐性了。健康正常的減肥方法，平均每星期唔能夠減超過 2 磅 (約 0.9 kg)，換句話說，最樂觀都要 15 個星期 (3個半月) 至能夠達成目標。
2008-09-05 15:50:45 補充：
而且要記住，呢個係 <最樂觀> 的速度，實際上好難真係 (3個半月) 減 14kg 的，因為身體會慢慢適應你的運動模式，頭幾個星期都可以維持每星期減 0.9 k，之後慢慢製會放緩，無可能一直維持到呢個減磅速度的。
所以，比較合理又實際的目標，大約為 5 個月減 14kg。你或者會覺得慢，但係其實咁樣的進度至係又健康又可行。況且，減磅過急的話會大大影響你其他運動 (舉鐵及泰拳) 的表現的，故不能操之過急。
