宣傳方法 20點

2008-09-04 8:27 pm

✔ 最佳答案

我唔建議你用直銷郵件搵客，撫心自問，你自己收到宣傳郵件，會唔會認真睇？十成十都係撕走個地址直接放入垃圾桶（或者當廢紙賣畀回收商），仲覺得果間公司滋擾，公司浪費左金錢，但帶黎的絕對係反宣傳效果。

有D公司可以代你用傳真去接觸指定客戶群，不過而家有左不收傳真登記冊，好多人都登記左，就算有都唔可以send fax畀佢，效果會大打折扣。如果委託的公司違規的話，分分鐘會惹官非上身。而且又係果句，個客收到，又係會當廢紙，至少我做office果陣，一放工就會將fax機換哂環保紙，第二朝返工，見係廣告就直接放入碎紙機。

而且，以上兩個都係極唔環保的宣傳方法，消耗大量天然資源，造成污染，加劇溫室效應，完全係害人害己的賣廣告方法。我覺得你不如去搵一點相關的Website或者forum去賣廣告，畀少少空間你的目標客戶決定接唔接收個廣告，出黎的效果個仲好。