破產人士有無可能申請到信用咭?

你4年破產期過左末？如果末就一定吾得。過左銀行一定要睇你宜家的經濟程況。例如；入息証明、銀行儲蓄等。我都係破過產人仕。都被銀行入左黑名單。但吾係錯一次就沒機會．只要有份正當職業就可以申請到。

根本你就不應該申請信用卡, 你點解破產先?你破產同碌卡碌大左有冇關係先, 如果你唔改"使大左"的習慣, 會破多次產架, 唔好話人地唔比機會你, 你有冇改過先, 無信用卡, 使錢無咁爽手, 咪唔會出事囉
我唔係想串你, 唔LIKE當我無講過

雖然話過左 4 年破產期可以再申請，但 10 間銀行 有 9 間半都唔會批；冇銀行會公開講不歡迎破產人士，但因為通街都係客，銀行犯不著冒這個風險；自由社會，在商言商，這又是無可厚非的，

係申請唔到的。
不過你可以叫家人申請, 然後開一張付屬card給你, 咁你就有card用了。
銀行一向都係咁stupid的, 你都無須唔開心的。
有一個人, 佢有一千萬在銀行戶口, 但無做野, 係"unemployed", 銀行都唔批佢。
又有一個人, 年薪一百萬, 但佢做sales, 無底薪, 銀行一樣唔批。
我都唔明, 人地一年賺咗一個打工仔10年的錢,點解唔批?


2008-09-04 10:22:07 補充：
重有, 女人無野做叫housewife可以申請到credit card, 但男人就唔得。

男人做裝修, 無stable收入, 批唔到。但呢個裝修佬的老婆, 無做野, 叫housewife就批到。點解???!!!

如果你係大劉的情人, 你"老細"大把錢, 一樣批唔到,因為你唔係housewife。oh!

2008-09-04 10:33:24 補充：
我有個朋友, 過了破產期4年, 而家有做野, 有入息證明, 都批唔到。結果都係叫屋企人整張付屬card至得。

可能間間銀行做法唔同都未定。