我想問下葵涌廣場1/F一日GEI生意 AROUND可以做幾多

條數好單簡：營業額 (Turnover) 減去入貨成本 (Cost of Sales) = 毛利 (Gross Profit) 再減去租金、人工、水電雜費等 = 利潤。

您只要代入您假設的數字便行；唔明？幫您代埋啦！

Turnover - COS = $79000(GP) - $19000 - $25000(人工) - $5000(水電雜費) = $30000(假設您每月想要的利潤)

我唔知您的衣服入貨成本係幾多，所以我以合理的 GP ratio 35% 去推算每月之營業額；$79000 ÷ 35% = $225,714；平均每日要做約 $7600；以您的定價 $100-$300 的平均價 $200 計，每日要賣至少 38 件。

當然以做生意嚟講，以上的數字只可作參考。您應先多了解葵涌廣場的顧客層面和他們的消費模式。

我只到過葵涌廣場不多於五次，只有一次是為買嘢，所以了解不多；在我記憶中，葵涌廣場就是亂；

亂－－並唔係唔好，咩都有得賣；飲食、雜貨、報攤、電話、電玩、精品、時裝、唔數啦，仲有好多好多。正所謂「百貨中百客」，所以葵涌廣場可以吸納到很多不同的消費階層，但您目標的那階層是否包括其中，那便要您自己做多點功課。

從您的問題中提到：「而且我係個度買斯文衫唔知道有冇得搵到錢呢」，我相信您的目標階層未必包括在葵涌廣場其中，right？否則您應該好有信心的。其實衫係中性的，無話斯唔斯文，好多時係蘭桂坊見到啲 OL 著住套 suit 都一樣好野性、好 sexy；喺旺角見到好多金毛哥哥仔著住套黑色西裝，您覺唔覺得佢哋斯文？我唔知您所售賣的 GEI 衣服個 style 係點，有幾斯文；因我真係未見過 GEI 這個品牌，但唔好比斯文唔斯文這個框框去框住自己。

您應該去其也在葵涌廣場內的對手，看看他們所售賣的款式、類型和價錢定位，和他們的店員吐下料，每間店做一個詳細的筆記，再比較一下各店有何相同和有何不同，找出市場上的空間，賺錢的機會便會多些。

再到批發店了解對手的入貨成本，那便可以真正知道每月需要多少營業額。

葵涌廣場 1/F，我唔記得係唔係通去新都會那層，如果唔係又會蝕底小小，不過 1/F 應該都唔差。位置及大小係好重要的，千萬唔好貪平；我相信賣衣服要給客人多些時間左拼古拼，所以店面太少的話，同一時間可以招呼的客人便不會多，這會直接影響您的營業額，就算您的貨有多麼漂亮，客人也未必會等您的，更何況沒甚特別。

水電費可以問地產代理或管理處，賣衣服，唔係洗衣服，我諗唔駛用水掛。電要睇您有咩電器，應該得幾支燈，用極有限啦。問下管理處有無啲冷氣費呀、清潔費呀等古靈精怪的雜費。

裝修費要視乎您店的面積，我覺得係葵涌廣場唔可以裝修太靚（靚唔等於貴），因太靚可能令消費者以為您的衣服好貴，唔敢入來；但以您的定價 $100-$300，又唔可以整到雜價攤似的。現在流行簡約，多嘗試從消費者的角度出發，自己諗好初步設計，再找多幾個裝修師傅報價，最好搵啲朋友用過及有口碑的，最緊要係裝修開店舖的，唔好搵啲只裝修住家的，仲要同佢簽好合約，指明完工日期和保養期等；因您每日都要交租的。

基本上，一百個做生意的人，都未必有一個會成功，我衷心祝福您是這例外的一個。創業是很容易的，吸引客人到您的店也不太難，但如何令客人在您的店內不斷提高消費意欲，這就要靠您的經驗和心思了，但這才是令您成功的重要一環。

專營女裝度身訂造OL套裝 $480元起(套)，西裙，西褲，女裝Suit，恤衫，連身裙，伴娘裙...(歡迎來圖訂造)

如有任何查詢，歡迎瀏覽 :
www.din-tailormade.com
或電郵致 :
[email protected]

九龍旺角西洋菜街兆萬中心6樓603A舖 (中南文具對面)

查詢電話 : 9137 2870 (歡迎預約時間)

營業時間 : 3:00 pm - 10:00pm

睇你係1/f邊個位,因為都貴租, 又要簽約, 我都試過葵涌開, 不過你要考慮清楚

你已經租了嗎 ? 租金真的很貴, 我是做時裝批發, 有興趣可send相給你看看. [email protected]

本人代客由日本批發商把時裝,手袋,童裝,飾物,鞋,SANRIO精品,直接以批發價由日本送到香港款式罕有,價錢平,有意電郵到[email protected]

你个铺租都吾平哦！有几多尺啊？我觉得个度卖D衫应该系70-180左右先合理！如果你卖得贵可能没人买~~！个度人流都OK个！不过星期六日我就吾知啦~~