LCD TV 的 對比度 (contrast ) 是什麼意思？

單純計數字的話,係越大越好.
對比度係表示最暗同最光的亮度比較,3000:1就係電視既最光位可以出到最暗位既3000倍亮度.點解會唔係無限呢?因為現時根本就冇電視可以做到全黑.即使開着電視播全黑畫面,你都會睇到係比熄咗機時光的.
但係小心依家好多電視都有一個所謂動態對比度.即係電視會因應畫面光暗多小而自動調節畫面亮度.光位多時亮度高啲,暗位多時亮度就調低啲,咁樣係可以令對比度大幅標升的.一部動態對比度30000:1既電視分分鐘真實對比度係7000:1都冇的.
動態對比度有乜缺點呢?就係畫面會時光時暗.做得唔好你會睇到畫面突然變光或者變暗.而且當畫面同時有極光同極暗位就會兼顧唔到.最常見就係夜晚時出字幕,啲字幕都會暗埋.
另外測試對比度認可的有兩種方法.包括Full on/off同埋ANSI.
Full on/off係播一個全黑畫面同一個全白畫面的比較,ANSI就係在同一個畫面同時播光及暗的圖像.Full on/off得出來既數值係會高ANSI好多好多的.
但好可惜市面上的電視對比度測試方法都係唔跟標準的.有啲直情會寫明係用廠方測試方法.好多時一部數值低既分分鐘贏一部數值高的.始終都要靠自己睇實際畫面,黑夠唔夠黑,白夠唔夠白,同埋有冇對比度高得來畫面層次唔夠,黑同唔係好黑或者白同唔係好白分唔到,黐埋一堆.
用太陽光對住電視畫面會令對比度大大降低的,分分鐘5000:1定3000:1都睇唔出.浪費咗用較多錢買來的高對比度.

基本上Plasma TV都可以做到超黑畫面
LED背光o既LCD TV都可以做到超黑畫面