help!!請救我的狗!!

狗仔唔可以唔食野架，因為你之前俾過一d對佢味覺有好大刺激既食物，而要轉返淡味既狗糧俾佢，佢多數都唔會食。
宜家你可以試下用狗奶粉浸狗糧俾狗狗食，去吸引佢食返狗糧:
http://petservice88.mysinablog.com/index.php?op=ViewArticle&articleId=1329869

白飯已經無乜營養，只得碘粉質，鼓油又有好多防腐劑，根本對狗狗無益。佢仲係一隻狗BB，係需要好多營養架。狗狗兩日唔食嘢係無事既，獸醫話一星期唔食嘢都唔會餓死。你唯一方法係唔好再比白飯加鼓油狗狗食，要佢食狗糧，佢唔食，你就收起啲狗糧，連零食都唔好比佢食，等佢無得選擇，佢就會食架啦！想成功一定要有決心同要夠狠心絶不能心軟。

你以後都唔好再比狗狗食白飯加鼓油啦，佢唔係人嚟架！知唔知？

祝你隻狗狗身體健康！

睇doctor
可以俾d專業意見你
咁你咪放心囉

狗是不可以食豉油的！ 對他的腎有很大的傷害的。一定要小心狗狗的飲食。
你可以試下，清蒸雞柳(去皮) ，連汁溝白飯比狗狗吃吧！
可能是因為食開豉油，味道較濃，所以覺得味淡不肯食，但係都要堅持的，最多可以加少少狗狗濕糧入白飯中，增加味道的吸引。
如果狗狗沒有其他病，肚餓就會食的了，不用太擔心的。
但緊記，不要再給豉油作吸引！！！

7個月小狗一定要食BB狗糧先有足夠營養健康成長，食白飯無壞，但唔可以做正餐，但加鼓油肯定唔得，狗狗唔可以食有調味嘅食物，仲要咁咸！相比無味嘅狗糧你話佢会點揀？而且貴婦出名揀飲擇食，最好連零食都唔好比！
2日唔食一定好担心，但除咗死硬頸唔肯食之外，身体唔舒服都無胃口食嘢，所以你肯定佢唔係有病，留意佢仲有無其他異样，有問題就立即睇医生！如只係扭計，就唔好輕易就範比其他嘢佢食，我也有貴婦，3日唔食，超硬頸！受軟唔受硬，氹吓佢就食，始終会肚餓嘛！
但咁細个唔食嘢始終唔好，唯有買過另一种狗糧，香Ｄ嘅，溝埋舊糧比佢食，有新嘢佢一定会食，只係佢可能食几日又厭又無胃口，所以未必可冶本，佢食番嘢之後真係唔好再比其他嘢佢食，比佢知道狗糧係佢唯一選擇！

吃白飯對狗是OK的, 如它不肯吃狗糧, 吃白飯也可.
可嘗試用白飯加碎狗糧加小許水給它吃, 看看可不可解決暫時的問題.
如可以的話, 再慢慢把白飯的份量減少, 狗糧的份量增加吧!!