✔ 最佳答案
村巴通常只會於新界開出,係九龍及港島區開出的村巴只有十分少量
九龍區所有合法村巴只有十二條線,當中沒有任何一架過海
非法村巴可能會有,不過冇保障,唔建議搭
而且唔係搭開的話都好難搵到佢地既資料
不過呢,如果真係過海既村巴,運輸處唔會比佢塞係主要街度,基本上係橫街轉來轉去
好似話係交通協調咁上下既原因
所以,建議你用巴士或者地鐵的方法
如果你搭地鐵的話,便建議你係長沙灣地鐵站搭起
因為長沙灣地鐵站起計算,八達通收費是$9.5
如果以荔枝角地鐵站起計算,八達通收費是$11.2
一個地鐵站距離行得唔係好遠,但收費相差好遠的
沿長沙灣道直行,跟住便會搵到出口入去
之後搭荃灣線落金鐘,再過對面月台搭港島線去灣仔
你又唔係荃灣同大窩口上的分別,你邊度上都冇咩可能有位坐啦
三十分鐘內一定得,包唔會塞車同唔洗等車
如果你唔搭地鐵,咁未搭巴士囉
巴士繁忙時間一定會塞,不過我建議你搭
九巴新巴聯營路線914號 海麗邨←→銅鑼灣(天后)
空調巴士全程收費為$9.3
海麗邨巴士總站上車(海麗邨都係計荔枝角,係美孚隔離)
搭依架最少唔洗迫係彌敦道
盧押道、 柯布連道、史釗域道、 灣仔消防局、利舞臺廣場可以落車
係會塞車,基本上都要一個鐘先到,不過你都係坐係度姐