我當日便致電給他問佢, 佢承認了, 我問這你想如何處置我, 他第一個反應是"正在煩緊, 一係處置你, 一係處置她", 但因他忙於工作, 故我說待今晚回家一起討論
回到家, 大家都無發過俾氣, 真的將件事攞出嚟討論, 佢話我知主要係因為二件事令佢有外遇, 該第三者是他在大陸的一名舊同事, 他的介入是因為我以前對老公的不信任度, 每次他公幹, 我都會以為佢會去揾女人, 故經常煩佢並給他無比壓力, 加上自買了樓後, 原來我無體諒過佢的經濟負擔, 而正正在此刻, 這女同事給予他好多的支持及鼓勵, 而我只是待在家增加他的煩惱, 故我老公才和她開始發展, 還有一點是老公說我不能帶給他正常的性生活, 以前我經常拒絶他...... 老公話其實想同我講好耐, 但每次想講時都是當我剛亂去份工, 正努力揾緊工, 所以一直都講唔出口, 不想令我更加不高興..... 加上他承認近半年, 佢發覺我對這頭家/他的家人/對他的態度都不斷有改善, 故都諗緊是否可以繼續想和我生活下去.....
我主動問佢可否俾次機會我, 我可以為他而改變, 因為我真的好愛佢
佢曾經講過我只係當佢係水泡及透明, 但我自知並不是.....
佢問我如果迫我為了要維繫這段婚姻而迫自己去做一啲唔願意做的事, 咁我會否我辛苦..... 我說不會....... 之後佢話俾佢自己諗吓 (佢有補充其實同她一齊都有另外一啲的壓力), 我唔知佢所講的壓力, 係指咩, 我好想知, 但係我無問到....... 當晚之後, 我哋都仍然有一齊睡, 而當晚, 佢更加提出了性的要求, 我哋做了! 第二天開始, 佢打了電話及msn俾我, 亦一齊時多了話題及商量工作上遇到的問題, 雖然我知近日佢還有與該女子聯絡及msn, 但我明白要解決已有多年的三人感情並不是一,兩天可以解決得到, 其後我亦有寫電郵給老公告知我現在的心情及不想煩佢, 不想迫佢作決定, 只是真的好想和他一起生活下去, 我可以忘記他的外遇是因為我在結婚前亦做過對佢唔住的事, 我的外遇同佢今次的情形好相似, 都係都最需要人支持下出現了一個好關心自己的異性....... 到今天, 已經有五天啦, 雖然我唔知佢最終的決定會係點, 但致少我感到佢對我仍然好關心, 佢亦曾親口同我講過, 佢未算完全對我無晒感覺, 未算完全不愛我, 在第三晚睡覺時, 我問佢是否以後都不可以俾我觸摸他/他不會再碰我時, 佢的答案是 "不是"......
星期六, 我同佢返咗奶奶屋企食飯及同佢個姪仔去行街及玩, 去之前由於我下體有呢個月嚟都有啲唔舒, 故行街前去咗看醫生, 之後原來只係尿導炎 (因為對上一份工一日先飲得一次水及一次厠所), 佢有好緊張咁問有無事...... 整日大家都好似無事咁好開心!
星期日, 佢帶我去練車及游水, 去行商場及食晚飯, 有時我亦會Q住佢食手嚟行, 成個過程我哋都好似無事咁, 只係我都有偷看佢的手機, 見佢哋仲有互SEND SMS (不過都預咗會有啦.... 點會咁快可以收到科呀!) 只係食下午茶時, 我有同佢講, 我可否問你兩條問題, 佢就話唔問得唔得, 我於是就話咁好呀, 等你自己想講時先講啦, 之後大家如常講吓其他話題咁囉!
佢以前要出trip都係好遲先通知我, 但近日一早就通知我, 重時不時會打電話嚟同我講叫我自己準備好自己的晚餐..... 好似昨日咁, 佢早上同我講可以得閒開部車在附近試吓渣, 開完會打電話俾我, 叫我如果真係渣車要小心啲, 因為下午好似有啲雨落..... 咁係唔係佢都好關心我呀?
第一晚同佢討論呢問題時, 佢話自己有諗過係兩個女人都唔要, 我會响處諗, 咁係唔係佢對呢個第三者都抱住未係100%鍾意的心態呢? 我亦到呢一刻仍然深信, 我老公唔係殘男人, 只係真係由於過往的溝通以至
因為我老公已經有超過8年在大陸公幹, 如果佢真係要去滾, 都唔會得一個亦唔會近呢兩年才發生, 亦唔會返到我娘家, 仍對我家人咁好, 記得有一次, 佢仲幫我娘家整toilet天花
你哋覺得我老公會否返嚟我身邊? 佢又要幾耐才可以解決呢件婚外情呢? 佢是否會選擇我? 是否會再愛我? 現是愛我多此定係愛第三者多此呢?
更新1:
昨日佢無回家睡因為要出TRIP, 我當然個心有啲唔舒服, 並不是因為怕佢去那女子度過夜, 就算係都在所難免, 都要同她有個交代, 我唔舒服真係因為掛住他及唔知件事可以幾時有個解決..... 所以今早就去咗個寺院上香及求咗支簽, 如下: 第二十六中簽 (求與老公之姻緣) 詩曰: 上下傳來事轉虛 天邊接得一封書 書中許我功名遂 直到終時亦是虛 解曰: 上下心煩 求閑不閑 欲望功名 守舊身安 一求完支簽, 就收到老公的SMS, 所以去完個寺度, 我輕鬆晒! 唔怪知老公以前咁鍾意去果度啦!
