我7號會去長隆3日2夜~Plan左個行程~可以幫我睇睇d行程和車費如何安排嗎~謝謝(20點!急急急)

Day 1
>你坐最早嘅7:50am船, 船程要1小時50分, 如果准時開船, 去到蓮花港都要9:40am,
>你去到蓮花港出到碼頭門口, 左手面有幾部中巴停泊處, 再同那裡的司機講, 邊部車去歐洲假日國際酒店, 會話比你聽上邊部車, 免費車是船公司接駁的, 都好安全, 最好坐近門口, 最快落到車.
>去到酒店都差不多10:50am, 要第一時間落車, 去 Check-In, 寄存行李, 同時訂免費車去動物園, 有班車開11:00am, 車程約20分鐘
>園內有餐廳吃午餐嘅.
>大馬戲在長隆歡樂世界裡面, 長隆有免費穿梭巴士行走各長隆景點.
>坐中間位最正.
>出門口, 找的士站, 車程約10分鐘, $20人仔.
>我試過間順德人, 好食過好多香港食市, 價錢好平, 我地六個人, 叫左八個菜, 兩支啤酒, 都係$245人仔, 好味指數有95分, 可以考慮.
>返酒店車程約15分鐘, $30人仔.

Day 2
酒店免費車9:30有一班, 如果自己打的約$40~50, 酒店有專用白牌車, 車程約15分鐘.
>無錯, Locker 租金同按金都是$20, 記得帶的人民幣, 租後有個密封防水膠瓶送給你, 可放入人民幣及煙仔, 細細個好好用, 帶 $500人仔啦, 先放 $300 入膠瓶, 用完可去 locker 再囉, 樂園入面好多小食及飲品, 小食有 (雞翼$10/隻)(火雞翼$25/隻, 超大隻)(煎餃子$10/5隻)(燒魷魚$10/隻)(牛什$10)(串燒$10/3串)(炒烏冬$?, 因無食到, 唔記得幾錢), 好食過海洋公園多多聲. 飲品有(椰青$15/個, $25/2個)(汽水$6/支)(礦泉水$5/支)(百威啤酒$15), 價錢好合理,
>四海一家最好先訂位, 電話:020-34822266, 訂位時會話比你聽最遲幾點要入場, 問清楚.
>返酒店打的$40, 車程約20分鐘.

Day 3
>打的去市橋行街, 車程7分鐘, $10人仔, 坐酒店白牌$20人仔, 什麼也集中在此區, 可以行一整日.
>4:10pm, 便要打的回酒店, 打的睇表唔使講價, 車程約10分鐘, $9人仔.
>船公司嘅免費車, 4:30pm到酒店, 所以你要4:25前返到酒店.

以上係我去完返黎嘅資料, 我都係住歐洲假日酒店同坐船.

希望幫到你.