炒菜點先可以炒得乾身.唔出水?

掰開菜葉一瓣瓣洗好<擎>干水至切, 如果係普通不鏽鋼或生鉄鑊就要<猛鑊陰油>(即係燒紅隻鑊至落油)炒, 如果你屋企有個底夾層好鬼重嗰種煲或鑊(我自己就好鐘意用個28cm煲炒菜), 就要凍鑊落油然後細火燒大概分零兩分鐘再倒菜入去炒(見到鑊入面D油起波紋就差不多, 唔好等到出哂煙, 否則一倒菜落去就燶), D菜如果<擎水>擎得干, 炒嘅時候要洒番少少水, 唔係Ｄ菜會易燶同唔好食, 個鑊够熱嘅話洒落去D水會收番干. 如果炒芥蘭或椰菜之類比較硬嘅菜, 完全唔冚蓋有時可能會硬少少, 你可喺炒好熄火之後冚蓋焗分零鐘, 不過如果你係用嗰D厚底鑊就要炒至九成熟就熄火, 炒多一陣至冚蓋, 因為嗰種鑊熄咗火都重熱好耐架.

重點係個鑊一定要够熱, 掌握得好炒豆苗都唔會出水架! 祝你成功!

停乾水 (要長時候, 就好似晾衫咁) 之後落油炒的時候唔好仚蓋...炒到佢熟為止...因為我抄菜唔多鍾意仚蓋, 咁樣炒出黎的菜又綠又小水