邊到洗牙好呀? 邊到會平d? 大約價錢係幾多? 我 perfer tseun kwan o district?

如果唔怕等的話，去政府的診所，我暫時知的係官塘賽馬會有的，可以打去問下逢星期几，但係位唔多同埋好多人去的，有時仲話要門診轉介信。

再唔係官塘係半山近香港心理衞生會附近有間叫平安牙科，係教會資助的，比一般都平少少.......

仲有都係官塘的係基督教家庭服務中心大樓的牙科，都比一般平少少.......

如果你近旺角的話就去楊震牙科，比出面都會平少少，又唔洗等咁耐囉...

去菲臘牙科醫院啦，收費比較平，但係多數係牙科學生，若你好彩咁岩你Ｄ牙有研究價值，咁你會有教授同你醫囉！！！
不過要一早去排隊最好7:30~8:00前要到，因為好快冇位！！！
菲臘牙科醫院管理局
諮詢處：香港西營盤醫院道 34 號菲臘牙科醫院
電話：2859 0238