California fitness 係咪呃人?今日join左一半...幫幫手...

唉，又一個受害者。

首先你要搞清楚，究竟你有無簽合約呢？如果按照你所講，你應該只係填左一份問卷，並不構成合約的，佢亦唔可以迫你付款或 join 佢，你可以放心。

第二，你俾左的按金，基本上無乜可能取回了，整所謂財到光棍手。既然你唔想去 join 佢，就唔好再去個度，唔好再理會他們了。

你亦要有心理準備，個 d 無良 sales 會聯絡你，繼續落嘴頭來坤你的，不過你唔洗擔心，只要你唔好理佢地就得，佢地打電話煩你的話，你鬧返佢地，又或者直頭 cut 佢線就得了。

話分兩頭說，california 個場係唔錯的，你所講那個 plan 的價錢亦合理。不過正如你所講，佢 d 推銷手法非常之有問題，成日呃人同埋刁難人的，要好小心。

以初學者，尤其是你地學生，根本唔適合 join california。因為佢無免費教練，你地唔懂得點用 d 器材，不單無效果，重可能受傷添!

真係想健身的話，建議去文康處轄下的 gym，價格相宜，又有免費教練，更加唔怕佢地會呃你，係初學者不二之選!


2008-09-02 22:38:17 補充：
重有，萬一你真係 join 左，以你唔識練的話，一定俾班無良 sales 再迫你買教練堂，係非常昂貴的，講緊每小時幾百元，而且會一次過會迫你買好多堂，就講緊一萬幾千蚊了! 所以我建議你還是遠離那間 gym 吧未。