用digital camera 在室內影出來d相好暗,點算?

影化妝品同玩具忌用閃光燈直射.因為佢地唔多唔小有啲反光物料,除非你有柔光箱放咗佢地入去,閃燈在外面打就會好啲.
在不花錢的條件下,建議你用光管枱燈做光源.最好起碼多過一盞燈控制陰影.
腳架是必需的工具,室內低光靠手持一來容易手震,二來會被迫使用高iso,大光圈,變咗冇晒控制,唔係影唔到,但係會影得冇咁好.
之後係設定問題,為免偏色,如果係用光管做光源就最好設定做光管白平衡或甚至用白紙做手動白平衡,iso設定做最低減小雜訊,焦距50mm左右避免變形,放大率唔夠先用較廣角焦距,唔好用auto,建議用光圈先決,至於用幾大光圈視乎物件有多大,大的物件用大一點光圈也沒問題,細物件有機會景深唔夠要用細一點光圈,反正是數碼,影一張再調較光圈便可.
太暗可能因為底色淺色或者物件有反光,加翻EV就可以.
之後係唔好直接按快門,因為曝光時間會頗長的,要用兩秒延遲拍攝,等相機自行打開快門就可以避免按快門時郁到相機.
其實原理就好似影夜景咁,只要現場照明合理,應該唔難拍到理想的照片.