一生人的第一次媽媽..^^

其实BB健康就得喇，肥定瘦都唔紧要架！
有时过肥既BB未必会健康咯！
你依家要放松心情，过分紧张，会影响你个胎架！
既然医生都话BB正常，你就以平常心去对待！
如果你要返工，尽量唔好太操劳喇，唔好爬高爬低喇！
仲有，可以每日饮一杯奶，吃一只鸡蛋，已经好够营养架喇！
如果你唔使返工，系屋企可以做下怀孕期间适宜做既运动！
你可以去买D关于怀孕既书或者VCD睇架，有DVCD会教你做怀孕期间及生完之后既运动架！每日可以散下步，到生个时会容易生D架！
希望你可以生个健康可爱既BB喇！

2008-09-02 19:19:04 補充：
仲有，唔好抬或提重物;腹部大时,避免弯腰,捡东西要蹲下去捡或叫人帮手;避免长时间站立及去人多既地方;唔好着高跟鞋,着D平底且觉得舒服既鞋;尽量着松身衣服;保持轻松愉快既心情;戒烟酒,咖啡同茶;充足既休息与睡眠;训觉时最好侧训,用个咕臣垫脚;保持身体清洁,尤其下身;如有唔舒服,要即刻睇医生,唔好自己乱吃药.

怀孕中期,即4-8个月,但避免动作激烈,采取唔压住个肚既姿势,同性生活既次数应该比怀孕前少;如有不舒服或者曾经有流产OR早产既经验OR征兆,最好就唔好性交咯!

均衡饮食,多D饮牛奶,唔好吃D生冷,太凉,太刺激既食物;如有呕吐,可以尝试少吃多餐,千祈唔好因为呕吐而唔吃也啊,甘BB就会无营养架啦!

廢話小說~
我只想講，如你已很瘦，除了吃多些營養東西外，一定保持放鬆開心的心情，否則營養只會去你身體，不會去bb那處，因要低抗你的不好情緒為身體帶來的壞影響...
你現在真是太多慮了，多約朋友、多看bb書，聽聽音樂..
最好常常有朋友及家人在身邊....陪你
忙著忙著，懷孕10個月時間很快會過去的...

恭喜你~
一般第一次做媽媽的話，頭三四個月(12-16週)個肚都會好細，甚至睇唔出，不過到左六七個月果時，就會開始大，到九個月就黎生既時候都一定會大好多
孕婦懷孕時比較瘦，唔代表生出黎既BB都係瘦/細粒既，吸唔吸收都好睇BB自己，所以孕婦係懷孕期間肥既話，亦唔代表BB出世會肥，因為可能媽媽吸收晒
只要你平時飲食均衡，食有營養既食物，定時進食，每日飲杯孕婦奶就足夠架喇。孕婦奶粉已經包含左孕婦同BB一日所應該攝取既營養，所以你平時亦唔需要額外食D咩維他命丸/補充劑
肉類方面，雞、豬可以食多D，牛肉會比較毒，小食為妙
海鮮既話就多食魚，其他海鮮類都係屬於帶毒性，尤其係蝦同貝殼類，一定唔好食
生果類除左西瓜、香蕉之外，其他都冇問題，當然係適量啦，任何食物食得多都係唔好既
仲有西米、涼粉、豆漿、海帶、雪凍既食物飲品等呢D都屬於較寒涼食物，食左會好易引致小產
另外燕窩係可以食既，不過只限於一日一匙
做運動既話，劇烈既當然唔做得啦，你可以去游水、散步、輕量既體操都OK，只要唔好經常舉高手就冇問題喇，因為老人家話舉高手好易扯到BB令到小產
電髮，染髮同搽指甲油都盡量避免，因為呢D野都會含有好多化學物質，最明顯就係天拿水味啦，聞到既話只會對BB百害而冇一利，只係一年既時間，為左BB著想，忍下啦~
祝生個肥肥白白既BB~

我都係第一次做媽媽...已家11週，我個look都唔似大左肚，同平時都係差不多，我都唔肥架，不過最緊要係bb有成長同心跳，咁就唔使太擔心.
平時最好食早,午,下午茶,晚餐, 肚餓就食, 食到幾多得幾多, 唔好勉強食, 唔想食既就唔好逼自己食.
因為初期bb吸收得好少，等你害喜時間過左之後，胃口就有所改變，咁到時食返多d就得架啦.
平時可以食菜、牛肉、雞肉、豬肉都無問題。
(唔好食海鮮、貝殼類、羊肉、補品、燕窩)
生果最好食蘋果、車厘子、奇異果、提子。
暫時都唔好做劇烈運動，最多去下公園散下步夠啦~
有bb期間係唔適宜電髮、染髮：經頭皮進入人體的化學藥品其實有限，但是染髮、電髮的化學物質有機會長時間接觸頭皮，對於孕婦來說始終不大好，保守一點來說，孕婦還是不要染髮、電髮為妙。
咁搽指甲油都盡量少搽，始終指甲油化學成份較高.
你也可以去呢個網址睇下:
http://baby.esdlife.com/features/dama-organic-bb-video-01.php
祝大家都生返個肥肥白白健康的bb! 恭喜晒!

恭喜你！通常初次做媽媽都會有好多擔心，要明白現今醫學一定會幫到你，你只要照顧好自己，就真係會生一個肥肥白白geBB。
1）雖然你唔見肚，但衣衫要寬鬆D，鞋要適當（唔選拖鞋出街）。
2）食物首選新鮮，忌油膩，多湯水。（不選半製成品）
3）多散步。
4）準時做檢查。
5）常保持心情輕鬆，早睡早起，看美麗的東西，聽優美旋律的音樂。

2008-09-04 18:08:16 補充：
都係叫你唔好咁多嘢諗，過度緊張對你一D好處都冇，出街找人陪你傾吓。
仲有：食雞，唔好食雞頸和翼（怕咗D雌激素）。