結婚budget

Q：要結婚既話咁要預幾多budget?
答：結婚要籌備既嘢真係好多，仲要樣樣都係錢！！！
1)搵風水師傅擇日，之後先可以去搵酒樓
2)要預算一吓，擺酒？
响邊道擺？每圍預幾多錢？宜家最平到要成$5000/圍(包酒水)
如果你想响酒樓擺酒，可以睇吓以下既啱唔啱你：
近地鐵站，試吓以下酒樓：~
>>葵芳新都會~美心，嗰禮堂新裝，大水晶燈，幾靚架！
>>尖沙咀新港中心~彩雲軒，天花全部係紅色大燈，包佈罝(仲要有好多又新又靚既款簡)，好好食
>>尖沙咀北京道一號~帝廷酒家，禮堂好grand，22圍已經可包場
>>佐敦莊士倫敦廣場~彩福皇宴，新人由南瓜吊車載住進場
>>中環娛樂行~皇廷滙，禮堂好grand
>>九龍灣德福廣場二期 ~帝廷酒家
***你仲可以去以下網址，参考吓：
http://comtools.esdlife.com/wedding_forum/viewforum.php?f=9&sid=8120ac8ea5e7c0199baa 89e8d04e676c


3)想點樣註冊結婚 (搵律師証婚 / 去婚姻註冊署註冊)
4)俾女家媽咪既唐餅幾多？西餅又幾多？你未來阿嫂派既又幾多？
(宜家一張唐餅卡大概$35，西餅卡(美心)大概$38；已經有8折)

5)影婚紗相：香港影比其他地方影已算平，起碼慳左機票錢
宜家影婚紗相package大概$2800~3500，未計upgrade啲晚裝、買男裝恤衫)如果計埋，嗰package大概要成$4300左右。到買相，影得靚又會買多啲(50張相左右)，又加大埋幅油畫、簽名布、upgrade埋本相簿，你預大概$8K~10K

6)結婚當日化妝？大概$3500~4000(已有質數保証)

7)結婚當日婚紗、晚裝？大概$3500~4000( 1婚紗& 3晚裝/1婚紗、 2晚裝& 1男禮)

8)褂? 大概$600 (已屬於保証頭 5 次內外租)

9)結婚介子？(豐儉由人)

10)印帖？(好多酒樓已包括)

11)結婚當日花球、襟花、手花？大概$1000

12)過大禮？(豐儉由人)

13)禮金？(豐儉由人)

14)結婚當日攝影？ 大概$3500~4500

15)開門利是？俾兄弟姊妹既利是？(豐儉由人)

16)其他極瑣碎既物品？5K
17)如果去日本渡蜜月？
>>跟團：大概 $7000 - 9000/位(旺季)；$5000左右/位(淡季)
>>自由行：大概 $4000/位 (機票 + 酒店5日4夜)
***我啱啱結完婚，我用左大概 17萬搞結婚，已扣除收回既人情&俾媽咪既酒席，但未計買樓！我地結婚後打算起碼3年後先會諗生BB，因為未回到氣，要再儲錢.....

希望以上資料幫到你做預算，不過大有大搞，細有細搞，最緊要睇住自己銀包有幾多錢去做每一個決定。

>>你可以上以下既網址，揾到好多有關結婚既資料架！
http://wedding.esdlife.com/home/chi/default.asp

Q：大家係唔係都係要儲起碼3-4年先夠??
答：儲幾耐好睇你哋每月人工，之後扣除日常嘅支出 & 每月可以儲到幾多喎....好個人，無準則架！

Q：大家會唔會問屋企人or其他途徑借錢?
答：如果屋企人可以幫到手，梗係問屋企人借啦！又唔洗急住還 & 唔洗俾息。但係同銀行 / 財務公司借錢要俾利息....

Q：大家個婚禮要籌備幾耐?
答：我响婚期嘅年半前 book 酒席，其餘嘢就逐少逐少做。你預用大半年時間黎籌備婚禮啦！

首先你要肯定擺酒樓定酒店先, 酒樓就平好多, 酒店就貴好多!
如果酒樓預10萬內, 要靚嘅酒店預30萬內, 如果想好過酒樓少少就睇下會所, 即德藝會之類!
而其他婚紗化妝攝影等等, 你想平D可以搵一條龍服務嘅公司!
但我個人唔意見, 因為join左後, 是但你唔滿意一邊想轉時, 又覺得廢事攪到其他野唔知點咁!! 因我朋友試過!
如果想平平地join呢d費用, 幾萬應該都得!
如果想攪好d, 預10幾萬!
儲錢呢d野, 你搵1萬, 自己儲幾多先, 起碼有無一半先, 如果有嘅, 你2個勤力d儲, 應該1年半至2年就ok!
同埋, 如果唔得就問屋企人~~但我極力唔讚成搵途徑借住先囉!
雖然係收完人情到時還返, 如果係差少少先夠, 問住屋企人先囉!
借錢易~~還錢難!
籌備最好預半年以上啦!如果唔係驚太趕, 到時自己好辛苦!
同埋, 我覺得結婚一生人一次, 自己去籌備同搵資料會開心好多同滿足感都大囉! 所以請人幫你攪, 我唔讚成, 除非你2個真係連部電腦又無, 返工返到無時間囉!
但司儀呢d~~我覺得請返黎都ok~~~

如果你想知多d野, 你去生活易呀!!果到好多人一齊傾架!
你想知咩, 都可以知!

有人用過千萬攪個世紀婚禮, 也有人只係簡單註冊食餐飯.
1) 結婚預幾多budget?? 睇您有幾多錢, 量力而為好了.

2) 朋友講要儲好耐錢先可以結到婚, 因為有些人結婚想什麼都要做足, 又要買樓裝修, 影婚紗相都用幾萬蚊... 正常打工仔人工吾多, 屋企又吾係大富人家, 當然有排儲錢啦 !!

3) 儲幾耐先夠?? 要睇您地收入及想個婚禮點攪.

4) 問屋企人及其他途徑借錢?? 我就沒有了, 因為屋企人都沒有錢, 而且我吾想結婚要問人借錢.

5) 大家個婚禮要籌備幾耐?? 正常都會半年至一年前開始安排, 先擇好日子, 然後就找地方擺酒, 其他可以慢慢來, High Season 擺酒要比較早訂.

有錢當然可以攪得隆重D, 還可以找專人安排婚禮.
我就覺得這些只不過是儀式的一種, 日後都只是回憶的一部份, 最重要是兩個人開心, 要量力而為, 不建議借錢來攪結婚.
結婚也不一定要買樓, 可以先租樓住, 等大家經濟好D, 再買也不遲, 不用勉強自己節衣縮食, 建立一個家, 只要兩人同心就夠了, 其他物質上, 可以慢慢來, 一同努力.