點教仔好, 好悶好煩

有些人回答說你小朋友有行為問題，
這要小心，
小朋友有冇行為問題，可請專家評估，
所以不要私下去借書，去自己醫治﹗

以我覺得小朋友不停地發問，不停郁是正常的，
因為小朋友有的是精力，鍾意玩是正常，
你是否在看電視時攬住佢 or 要佢坐定一個位？
試問邊個鍾意被人束縛
小朋友有好多唔識，想知點解，都係正常，
反你應欣賞你的孩子，有強的好學心，是聰明仔來的﹗

另外，有邊個細路鍾意讀書先得ga，
我睇得出你小朋友很喜歡玩，
你試下用玩的教學去教他，一定會較有心機﹗

在公眾場所，攬人野，其實根據兒童心理是一個探索期、學習期，
正如你唔feel過熱水係熱，又點知熱水係唔點得，
你應同佢講個後果，e.g：點人野，姐姐會鬧，到時我唔幫你﹗
在店拿人野，警察叔叔會拉人，以後見唔到媽咪﹗

你要學習唔好比較，因為佢係你個仔，依個係無得變，
而且你個仔好似好好學，分分鐘將來係叻仔，
只是未搵到叻係邊，
諗得正面d，唔係你永遠都會好煩、好悶，
試想想，你生左個仔出來，是否每一分鐘都無令你開心過？
加油、努力﹗

2008-09-04 13:49:08 補充：
p.s：你仔四處郁，證明佢健康，你不用擔心﹗

我細佬以前都係好似你仔仔咁 ,好多野問,好手多,坐唔定 ,話極都唔聽
我爸爸媽媽都係要返工 ,而每日睇住細佬呢個責任就落左係我身上 ,我都會覺得好煩好厭倦 ,甚至大聲喝佢...
係佢好細個既時候,係可能我地有不當教育引致佢而家思想比較幼稚 ,好多基本常識都冇 ,而家成 20 歲連自己思想都冇 ,到今日我地先回想 ,可能佢係細細個已經出現問題....

其實小朋友世界係好天真 ,佢諗到咩就講咩 ,想做就會自然去做 ,有好大好奇心和求知慾 ,雖然係好煩好忟 ,但如果教導方式唔正確對小朋友影響好大 ,如果真係懷疑小朋友有問題可以同佢班主任傾下 ,叫學校多D留意 , 大家一齊觀察下呢位小朋友 ,若發現問題向學校幫你搵社工跟進 ,會有D課堂治療比佢學習 ,因為而家小朋友出玩問題真係好普遍 ,可能係進食太多含色素既食物影響 ,所以家長唔需要怕難開口 ,因為一D都唔係咩見唔到人既事 !

其實湊小朋友真係好辛苦 ,特別係全職媽媽 ,每日對住大堆繁瑣家務 , 仲要做左都冇人知 ,係真係好辛苦,
其實你可以係小朋友返左學既時間搵D野學下 ,做下GYM ,學下YOGA ,減下壓之餘又可以減肥 ,唔洗困住自己咁辛苦 ,可能心情會好D

2008-09-07 00:22:47 補充：
其實好多人都會係話小朋友唔啱既時候遺忘去解決 ,如果只係同佢講呢樣唔可以 ,唔做得 ,但又解決比佢聽點解 ,佢永遠唔會明白 ,下次一樣會再犯
多d同佢地講道理 ,做錯事時先問下佢點解要咁做 ,先昤聽後責備 ,唔好第一時間就罵 ,你如果唔了解佢 ,又點可能糾正佢呢?
係同佢講道理同時 ,亦講比佢知如果佢咁做 ,媽媽有咩感受 ,點解會有d咁感受

你個仔唔細 ,係時候比佢學識 關心別人感受 ,唔好意為佢唔識 ,小朋友感染力好強 ,可能會對你親子關係好d ,亦令佢更容易明白你既意思

雖然我唔係為人母的,
但我睇過好幾本關於天才教育既書,
當中涉及好多幼兒教育既學問,
其中最被強調的一點係,
無論再乖再聰明的孩子都係教出來的,
正如天下無免費的午餐一樣..

問問題係所有充滿好奇心的兒童都會做既野,
其實從另一個角度睇可以係好事,
你可以利用佢呢一點,
將佢的好奇心轉移向讀書或者培養佢既興趣方面添,
小朋友需要你指引同鼓勵的..最需要既係你既耐心~

比你最好既建議係去圖書館
搵一d幼兒教育既書黎睇, 圖書館有好多呢類書籍,
雖然各有說法, 但點都會比到啟發你,
趁你仔仔仲有得教, 要快d行動啦!

我以前都同過一個bb住左幾年,
睇住佢由bb到幾歲就開始變壞, 就係因為無人理無人教.
最可憐的是, 佢既父母連理佢教佢既心同耐性都無,
既然你已經踏出第一步, 祝你可以繼續努力邁向成功!

2008-09-03 17:58:12 補充：
圖書館仲有唔少專門糾正兒童行為既書,
都係同幼兒教育同一類, 希望幫到你.

2008-09-04 19:36:38 補充：
出得書既, 或者係專家, 或者係學者,
點都唔會係自己亂up既. 你睇睇就會知.

當然, 有錢想請邊個幫你都得,
但到最後, 始終係你長時間陪伴你仔仔左右既人,

其他人只可以教你點做,
但真係落手去做既只有父母同小朋友身邊既人.
呢d人亦係對小朋友最有影響力既..

再過幾年, 有影響力就可能係同輩朋友啦..

佢多少有 d 活躍症, 喜歡引人注意. 唔係係咁易聽人講的.

佢鐘意自己有一套. 就算用強硬手段, 佢一適應左就會又黎過.

所以應尋求輔助, 搵 d 野幫手分散佢的精力.

通常教呢類細路要有超級頭腦先得, 要識得應變, 因為個細腦諗野應該幾快的

少少意見, 希望幫到你

其實你見到人地個d 又乖巧又聰明, 其實人地都付出好多. 你又唔知啫!
聽你咁講, 你個囝其實想引你注意. 想你關心下佢, 留意下佢咁啫!
佢問你野時, 你不妨反問返佢, 睇下佢有咩諗法.
唔好再動氣啦~ 會傷害了親子關係的