點解我食ｄｏｇ　ｇｏｇ周不時都會咬下我？？？

狗仔貪玩都會咬吓希望你同佢玩，因狗世界，同級數嘅就係玩咬！佢覺得你同佢同級數呀！嗚嗚叫開心同憤怒都会咁叫，你要相處落去就明白佢意思！但我諗你應確立主人地位，佢似乎有Ｄ想做大佬！再咬你就要好嚴厲咁no佢，唔駛再講乜嘢，好嬲好大聲咁no，啤住佢、no佢直至佢停，打佢鼻鼻加上no係更有效方法，但唔好太大力，鼻鼻係狗最敏感地方，只要佢識驚就得！好快佢就學識no係乜嘢，唔駛再用武力，一no佢就知唔做得，包括所有曳嘢，no佢就會停止！
食嘢時亦可比佢知道你係主人身份，要聽話先有得食，如佢吠几吓你就比嘢佢食，即係等於你叫菲佣煮個麵你食一样，佢係主人你係工人！所以食嘢時，你要張狗碗捧高Ｄ，唔好比佢跳要即刻食到咁，命令佢sit（當然都要教，但好易，三几次就識），順便教埋佢等等，慢慢張狗碗放落地，如佢撲上嚟你又立即企身，講no、sit、wait再嚟過，直至放咗狗碗落地都唔敢食，要你講ok先可以食！好似好複雜，但十次內佢一定知道你想點！狗狗知道你係米飯班主後会認定你身份，以後就好教好多！
大便可能要大Ｄ地方又要轉几个圈，亦可能佢怕踩到尿尿（要轉圈嘛），狗都有潔癖，尿尿後立即清潔，如係舖報紙就加大範圍，唔知你狗廁情況比唔到太多意見，我估都係潔癖多Ｄ。

我諗你個隻應該係狗BB，好多狗BB都會咁架，佢可能正直換牙時期發牙痕，如果佢一見倒就咬你，你留意吓佢咬你既時後，佢條尾係咪係咁擺來擺去，如果係佢只係見倒你好開心，想你同佢玩。
通常狗BB食完飯就會去便便，你可以試吓當佢食完飯之後，足佢去只定位置去便便，佢一日唔去便便你都唔好放佢走，通常一放佢走，佢就唔知去咗邊度去便便，等佢係只定位置去便便先放佢走，仲要讚佢，時間耐咗，佢就會係只定位置去便便架啦！

我都有过你同样的遭遇. 我只狗衣家养咗一个月. 之前我问过医生点解只狗咬人. 医生话因为只狗衣家细个出牙.所以会咬人. 区 叫我买一些玩具给小狗玩. 你可以买一些玩具可以咬的和里面可以放点零食.这样一来就可以吸引只狗去咬而不咬人. 只狗通常要7个月先出完牙. 至于大便, 区大错地方记得要同区讲系错的, 跟住要区闻区个大便. 区一大对了地方就要即可奖赏区, 例如俾D零食区食. 我只狗衣家好乖啦.