請問有大人知”大扲姐”要做d乜???

安伯話：唔使咁騰wow！

唔好當自己係大扲姐，就當係做亞四好了，輕鬆好多架。

大扲姐唔簡單架，要熟悉全個儀式程序，怎樣講吉祥語、怎樣做、有乜禁忌、要背得出至合格，臨急教唔到咁多架！

過大禮個日，由新郎帶隊，去到女家，恭喜下對方家長，然後逐樣禮物交俾對方接頭人，核對清楚無漏，大家開開心心擦番餐(女家請)，收工走人。衣服隨便已可。

出門個日，一般由伴娘擔遮架，你睇頭睇尾就ok。

叫你朋友請個經驗攝影師就掂，佢地熟哂。

如果咁熟啲朋友叫到幫手，你咪用自己經驗搞掂佢。佢唔想揾《大妗姐》，你到時就要執生，見乜幫乜。
穿的衣服要方便做嘢，大方得體；鞋亦不可太高，舒適為主。
當日要幫手照應新新抱，敬茶俾長輩時要出力D，事先可向身邊親屬打探長輩是叔公定伯爺，百年好合，開枝散葉順口溜就講多幾句。
照顧新娘的工作交俾姊妹，其實唔使俾太大壓力，輕輕鬆鬆，你一定掂。