初犯打架入左茘枝角收押所座3個星期之後又上第二次庭,係唔係即係代表要坐牢?

入茘枝角收押所果3個星期叫做 "還押候審", 俗稱 "拋", 即係法庭驚佢搔擾証人或走佬, 所以收押佢. 到第二次上庭, 如果佢唔認罪, 就會正式審訊. 如果佢認罪, 就會正式判刑.
判刑有輕有重, 要睇案情. 如果佢飲醉酒打拳頭交, 可能判罰錢守行為. 如果佢幾個人冚膠袋用武器打人, 就坐硬. 你講得咁少, 答唔到你.
而家 d 官好興將細單嘢還押, 等 d 人試吓坐監, 收吓佢, 但又唔係正式判入獄. 只係等佢受吓, 嚇吓佢, 以後唔好再犯. 好例子係謝霆鋒. 拋佢14日, 等佢試吓坐監, 再判社會服務令.