✔ 最佳答案
"基督徒應否成為商人/ 擁有太多私人財產？"
聖經中沒有說信徒不可成為商人/ 擁有太多私人財產.每人恩賜不同,神要人做商人就做商人,打工就去打工囉.
受神祝福的人,神都賜超過他們所需,如亞伯拉罕,約瑟.
最重要是看錢財的態度.
太6:24 一個人不能事奉兩個主；不是惡這個，愛那個，就是重這個，輕那個。你們不能又事奉神，又事奉瑪門（瑪門：財利的意思）。
"現代商貿包含好多所謂既" 奢侈品",大行其道咁鼓吹消費主義,
甚至進行所謂既剝削, 謀取暴利, (但生意就係生意, 就係賺錢, 本無對錯之分)
即使只係一個普通既白領,salesman包括所有輔助營商公司既行業,例如會計界,金融界,運輸界...都已經係其中一員,成為左幫凶.."
如上面太6:24所言,是看你所做生意的態度.
"商貿包含好多所謂既" 奢侈品""-你可以不做奢侈品,可以做必需品.
"謀取暴利, (但生意就係生意, 就係賺錢, 本無對錯之分)"-賺錢不等於謀取暴利.謀取暴利在現在資訊發達之下,很難做得到.看別人賺錢不一定是暴利,因為你未必理解人家投放資金多少,所涉及的風險有多大.另外,生意也可以是薄利多銷的.
"既然基督徒都唔應該買呢d奢侈品,
咁基督徒係咪都唔應該加入所有牽涉商業既工作 ?"
奢侈品定義是視每個人的消費能力而定.有些人,可能連mcdonald食個漢堡包都覺得奢侈.有些人買一部benz是為了安全,而他們有能力買,沒有什麼問題.但有些人買了是為了show off自己有錢,那就有問題了.
"2 ) 人被委派管理地上資源,
見到咁多落後國家咁多人冇野食, 冇水飲,冇衫著,
身為基督徒係咪唔應該擁有太多私人財產,
要將自己既都分配比窮人 ?"
若果將自己所有俾晒人,而呢個世界上就再沒有窮人,會有可能實現嗎?
問題是,你捐了錢出來,未去到那些國家的人民那裡,已經俾好多人私吞了.
那些落後國家問題,不是單單錢的問題,更多是因為當地政府,內戰,教育的問題.很多人都知道,去幫人,不是去單單給他食物,而是去教他們怎樣去找食物,例如種植,補漁之類.
你知道教會團體為何會多去辦學嗎?這是其中一個原因.
"月入百萬都應該只洗一萬 ?"
不是多少問題,要視目的為何?
用了錢而令你遠離神的,如花 2,3千去買部手提遊戲機,日打夜打,就有問題了.
或者用幾萬去請私家看護照顧患病的家人,又有什麼問題呢?
正途來的錢,用於正途,不見得有什麼問題.
2008-09-03 00:02:15 補充：
"你可以不做奢侈品,可以做必需品.即係你都認同只應該加入製造必須品公司?"
我是說按每個人的感動,覺得不對就不去做.
"但有好多牽涉既行業係輔助緊"奢侈品"公司,例如一間會計師行幫埋果d公司工作,
咁基督徒要點自處 ? "本人是會計師,以前我有一份工作駐vietnam 胡志明市,因為公司在當地要做兩份數,一份是給head office,一份報當地政府.因為有違自己的信仰,所以辭工.其實就是這樣簡單.嚴格上講,與信仰有抵觸的事,不可以做.
所以"明知"的,一定不可以.唔清唔楚的,自行決定,嘗試搵有冇關連又搵唔到有關連ga,可以.因為神看人內心,唔知不算罪.但明知就一定唔可以.
2008-09-03 00:07:49 補充：
"咁樣好難"搵食"架喎,如果呢樣唔做果樣又話唔做,唔係個個基督徒都有咁好條件有得佢揀架喎.."
係唔易揀,但你又會好奇怪,點解你未見過信耶穌ge人會餓死?
所以唔係有冇條件問題,係有冇靠個神.
係有信心ge,神會開路,一定冇事.冇信心,靠自己,死梗.
2008-09-03 00:10:49 補充：
"我唔係想挑骨頭或者搵野拗, 我想知應該點因界定個問題.."
簡單講,聖經叫人先求神的國神的義,就跟住去做.不用為明天憂慮.
2008-09-04 00:42:47 補充：
"唔清唔楚的,自行決定,嘗試搵有冇關連又搵唔到有關連ga,可以.因為神看人內心,唔知不算罪."
但既然未聽過福音既人係按良心審判既,
即係唔知道而犯左既罪都照係等同犯罪, 要受罰啦,
不是嗎 ?
Sorry,唔係太明白你想表達是什麼,我估一下你的意思.
"但既然未聽過福音既人係按良心審判既,"呢個係講最後審判時會點做,係會將一個人一生來看.而你所問的問題是做生意或工作,只屬一個人人生中的一部份.
2008-09-04 00:57:25 補充：
"即係唔知道而犯左既罪都照係等同犯罪, 要受罰啦,"
或者舉個例,好似有些人搵part time工作,搵到一份在馬會投注站的.若果這個人,真的很天真地以為馬會好好,成日都捐好多錢俾其他機構,應該係慈善機構,咁佢直係咁天真,我想神係會看佢內心,應該不會將做呢份工作當為罪.
但係,當某一日,有人提醒佢,馬會係俾人去賭博的地方,咁佢知道後仲繼續就有問題,我想神會看這是罪.
但係,若果那人,在找工作時,一早清楚馬會是一個賭博機構,而仍然去做,那我會認為那是罪.因為良心知道賭博不好,還是做了.
所以唔知ge神的情形下,要看那人的內心,想什麼,才知是或不是罪.
