依家買DVD機仲好唔好?

其實呢個問題要你自己先答到.
雖然出咗好多藍光產品,但由於價錢及普及問題(大部份電影都仲係出咗DVD好耐先會出藍光碟).DVD有排都仲會係主流.
藍光碟質素係好,但使費頗大,首先最起碼要投資一部高清電視同播放機,如果要有好音效仲要加埋擴音機同全套5.1或7.1喇叭.之後碟價又貴DVD成倍,租又係貴成倍.而且好多外國片都冇中文字幕.
如果你覺得付出咁多金錢有咁既回報就OK的話,咁就應該扑鎚去即刻買機.否則的話就算買咗機都唔捨得買碟,租碟就盞嘥咗啲投資,因為硬件同軟件都肯定會越來越平,買翻來唔用一陣間就會有啲平過同好過現在的產品.
決定唔到的話其實可以買部唔好咁貴既DVD機睇住DVD先,是關現今DVD機真係好平,幾百蚊就有交易,聲畫絶對唔差,租碟買碟門路又多,至於買貴價DVD機就唔建議喇,一來點都冇藍光咁靚,如果你要求咁高,其實你應該係之前嗰類人,藍光先係你既選擇.