有關自行長隆一問..

我上年8月同今年7月23日去完回來, 都係住歐洲假日國際酒店, 可考慮同中旅社訂套票.


自由行套票 : 歐洲假日國際酒店


第一日套票, $1,005, 套房一晚, 包早餐2位, 另加$36/位, 長隆水上樂園門票2張, 另加$198/位, 1.1~1.4米$115, 1.1米以下免費.


第二日套票, $879, 套房一晚, 包早餐2位, 另加$36/位, 長隆歡樂世界門票2張, 另加$179/位, 1.1~1.4米$81, 1.1米以下免費, 長隆動物園門票$179/位, 1.1~1.4米$81, 1.1米以下免費.


船票去程$172/位, 五歲以下$111, 回程$157/位, 五歲以下$104, 中港城碼頭上船, 最早班船7:50am, 船程1小時50分, 番禺蓮花港落船, 碼頭有免費車前往酒店, 車程約40分鐘, 回程最遲6:00pm, 但要4:30上免費車往蓮花港.


直通車票$80~100, 香港及九龍好多上車點, 番禺賓館落車, 車程3小時, 番禺賓館打的返歐洲假日酒店, 睇表$9人仔, 車程7分鐘.



同中旅社訂嘅樂園門票, 可於一個月內使用, 你地中意邊日玩邊樣都得.


此酒店 OK 架, (高級套房, 一大房 一細房, 有兩個洗手間, 客飯廳, 廚房, 重有路台, 四個人都夠住, 不過要有人做廳長, 酒店有免費車送你地去樂園 (20分鐘) (包3位免費, 來回) 超出就 $20/位, 單程.


以下建議 :


坐最早船去番禺, 再坐免費車往酒店, 到酒店後立即取房或寄存行李, 同時立即訂免費車往長隆水上樂園, (11:00有班車), 水上樂開放時間 9:00am ~ 10:00pm, 先穿好泳衣在內, 去到租 Locker, 除下便裝放入 Locker, 好安全, 租金 $20, 按金 $20, 全日計, 約一尺丁方, 租後有個密封防水膠瓶送給你, 可放入人民幣及煙仔, 細細個好好用, locker 有鎖匙比你, 可除意開關, 帶 $500人仔啦, 先放 $300 入膠瓶, 用完可去 locker 再囉, 樂園入面好多小食及飲品, 小食有 (雞翼$10/隻)(火雞翼$25/隻, 超大隻)(煎餃子$10/5隻)(燒魷魚$10/隻)(牛什$10)(串燒$10/3串)(炒烏冬$?, 因無食到, 唔記得幾錢), 好食過海洋公園多多聲. 飲品有(椰青$15/個, $25/2個)(汽水$6/支)(礦泉水$5/支)(百威啤酒$15), 價錢好合理, 先玩齊樂園設施, 再租用水泡, 水泡用於玩沖浪灣及漂流河, 如轉頭想再玩樂園設施, 水泡有寄存處, 免費的, 所有樂園設施都有小小地方給你放下物品, 如拖鞋, 眼鏡, 毛巾等等, 玩完便取回, 貴重嘢就唔好啦, 重有 1.4米以下小童, 有免費救生衣借, 好細心架, 玩完可以座的士去祈福食街, 約$20人仔, 那裡有成70間食市, 更有一間合心意, 我試過間順德人, 好食過好多香港食市, 價錢好平, 我地六個人, 叫左八個菜, 兩支啤酒, 都係$245人仔, 好味指數有95分, 可以考慮, 食完打的返酒店, 約$25人仔, 記住要講價, 回到酒店記得預訂明早免費車往長隆歡樂世界, 訂最早車 9:30am, 車程20分鐘.





第二日早啲起身, 到酒店食早餐, 坐車去歡樂世界, 下午睇動物, 睇完可去四海一家食自助餐, 樂園門口有免費穿梭巴士前往, 問問人便知, 番禺迎賓路萬博中心, 兩日前訂位, 電話:34822266, $148/位, 1.4米以下半價, 5:00pm~10:00pm, 標榜全東南亞最大嘅自助餐, 爆爆爆, 呢間嘢左穿右插, 真係大到爆, 多人到爆, 好彩有訂位, 如果唔係就眼火爆, 食物種類亦多到爆, 要食齊每一款, 就肯定肚都爆, 食完打的返酒店休息.


第三日可以遲啲起身, 退房, 寄存行李, 預訂免費車去碼頭, 食完早餐, 打的去市橋行街, 車程7分鐘, $10人仔, 坐酒店白牌$20人仔, 什麼也集中在此區, 可以行一整日, 4:10pm, 便要打的回酒店, 打的睇表唔使講價, $9人仔.


唔中意行街, 可到酒店泳池游水, 有兩個, 室內及室外, 免費嘅.




希望幫到你, 祝旅途娛快,




酒店網址 : http://www.helenberghhotel.com/

中旅社、永東直通車都有不同組合的套票，酒店+交通+景點；酒店+交通；或只訂酒店酒店等，豐儉由人，番禺大部份 3 星級或以上的酒店都有專車去長隆，十分方便。
除直通巴士外，也可在深圳乘火車去廣州東站，轉地鐵 3 號線，在漢溪長隆站 E 出口，乘長隆樂園的穿梭巴士往各景點，時間與在港搭直通巴士差不多。
入場券價格：
長隆歡樂世界
全票：￥170元/人　　長者、兒童：￥80元/人
親子樂（2大1小）票：￥360元

香江野生動物世界
全票：￥150元/人　　長者、兒童：￥80元/人

長隆水上樂園
全票：￥180 元/人　　長者、兒童：￥100 元/人

長隆水上樂園夜場特價
全票：￥110 元/人　　長者、兒童：￥60 元/人

長隆國際大馬戲
全票：￥150元/人　　長者、兒童：￥90元/人
親子樂票（2大1小）：￥330元


長隆歡樂世界+長隆水上樂園
全票：￥280元/人　　長者、兒童：￥180元/人

長隆歡樂世界+香江野生動物世界
全票：￥270元/人　　長者、兒童：￥160元/人

香江野生動物世界+長隆水上樂園
全票：￥270元/人　　長者、兒童：￥180元/人

長隆歡樂世界+長隆國際大馬戲
全票：￥240元/人　　長者、兒童：￥170元/人

香江野生動物世界+長隆國際大馬戲
全票：￥210元/人　　長者、兒童：￥170元/人

長隆水上樂園 + 長隆國際大馬戲
全票：￥270 元/人　　長者、兒童：￥190 元/人