點解各位對freeze呢隊組合咁有偏見??

其實o係香港整容同性感係好普遍
你地既身邊 可能好多人都有整容
甚至好多明星都有整容 只係唔認 或者唔出聲當冇事
同埋唔明點解香港咁多人都好隨便咁相信記者寫既野
香港既娛樂記者 報導既方式其實大家都好了解
我係唔明 點解仲有咁多人可以盲目咁相信記者
其實freeze 只係一個不斷被記者攻擊既對象
仲要有人去相信 真係好好笑

Freeze呢隊組合 每次出場 某d人就會因為佢地太性感
就話佢地乞人憎 話佢地姣
其實性感組合 外國 日本 甚至台灣都有
點解香港接受唔到 要不斷咁話人
做明星 個個都想搶鏡
講性感 其實好多女星都間唔中著d低胸 露腰 露大脾既衫
我唔係好明點解呢d衫著o係freeze身上 就係衰 就係姣
好明顯係有人先入為主 故弄玄虛

特別係好多小學中學生 o係網上不斷攻擊別人
呢d行為 係好唔要得

發呢個post 主要想問下
究竟各位對待freeze既心態係咩??
麻煩唔好回答我因為佢地姣或者搏出位
因為基本上 每一位明星都係希望出位搶鏡
所以呢一個唔係答案
麻煩講出一d 客觀d既答案
或者講下自己點解咁憎整容