✔ 最佳答案
有一隻軟件,叫做『Returnil』,個人用戶係免費(但功能比收費版少),你可以去佢哋個網址:
http://www.returnilvirtualsystem.com/下載。
軟件操作非常簡單,安裝完之後(安裝時會問你要唔要劃分一個虛擬分區,除非你個Boot機分區太細,否則建議你使用虛擬分區,但程式係強制使用Boot機磁區做虛擬分區,唔可以選其他磁碟),設定為保護模式,重新啟動電腦,就可以。
但有好有唔好,當使用咗保護(唔止呢隻軟件,所有同類軟件或硬件卡都係)模式,要安裝新軟件或更新程式,都要先解除保護,重新啟動電腦,至可以完成。完成一切變動之後,再將程式調翻『保護模式』,就得嘞。
另外,你應該要有其他磁碟分區(即硬碟D: E:等等),因為『Returnil』係保護整個Windows boot機磁區,所有呢個分區嘅變動(包括『桌面』)會响重新開機之後消失,所以你工作嘅文件、電郵等都應該儲存喺另一個磁碟上面。如果你有聽建議,使用『虛擬磁碟』(Virtual Disk,我嘅情況,該虛擬磁碟被分派成Z:),亦可以先存放响裡面,存放响裡面嘅文件會一直保存。但當你要uninstall 『Retunil』,記緊backup裡面嘅文件,因為uninstall時會同時刪除Virtural Disk,裡面嘅文件亦會同時消失,所以要小心。
程式係多語言版,支援中文介面,係唔錯嘅選擇。
此外,你可以使用AVG Anti-Virus Free(個人用戶免費版)及Spybot-Search & Destroy(個人用戶免費),做防毒防木馬保障,當然其他產品都得。
P.S.以上提供軟件皆為免費軟件,且為官方合法網址,知識網管,請清楚是非,唔好見有下載連結就話係非法下載連結。