我和前男友拍拖了8年多，一直沒有吵過架，相處很好，由於大家平時也很忙 (他是醫生，我是正在趕論文的研究生)，大家見面不多，但感情一直很好。直至一個月前，我完成了論文，過了考試，心想我們快會結婚時，他態度堅決向我分手，因為他覺得對我已經沒感覺 (原因不是有第三者)。
我一直認為當兩個人相處得長久時，感覺轉為平淡是必然的事，對於一段細水長流的感情，要維繫的已經不是初時的那些感覺，而是大家互相關心和珍惜對方的那份關係和經歷，既然大家都到達後者的階段，就算沒有了那種感覺，也不代表這段關係應該完結，反而如果只有感覺而不懂互相關心的感情才不長久。但他說我們培養了8年的只是「感情」，雖然他很重視我們這段關係，但是在他內心的那一份「感覺」，不斷地發生了微妙的變化，令他覺得有需要替我們的關係「重新定位」，他說明知道「情侶關係」無法長久維持，不想勉強，他說做不成情侶，希望可以維持朋友的關係．．．
我十分傷心，分手後首星期經常在哭，吃不下東西，不能入睡，沒心情工作。因為這是我們的初戀，而且拍拖8年，我很不捨得他，放不下他，另一方面，我很擔心將來，因為我的年齡不小 (27歲)，人生沒有幾多個8年。我有時在想他覺得對我感覺轉為平淡的原因是否我太忙，大家相處的時間少，話題少，身處的圈子不同，而且大家的空閒時間並不配合，使他覺得空虛。之後媽媽陪我出外旅遊散心，回來後情緒稍為平伏，表面上可以如常工作，打算用繁忙來忘記悲傷，但偶爾想起他時很掛念他，十分傷心，悄悄在哭，始終未放得低。心想時間會沖淡一切，我對他很快就會沒感覺，但始終做不到．．．心想終有一天他會再對我有感覺，再次在一起。
我應繼續等他嗎?
我和前男友拍拖了8年，感覺轉為平淡而分手．．．應繼續等他嗎?
2008-08-31 7:45 am
回答 (16)
2008-09-02 7:14 am
✔ 最佳答案
當一個要變的時候，就沒有什麼可挽留。等待：就是繼續浪費青春。有一個故事：真人真事。十年前，有一個女仔同一個男仔拍拖。彼此都深愛對方，但八年後，這個男仔一句無感覺。就離開分手了。女的繼續等待，她相信男的有一天會回心轉意返佢的身邊。差不多過咗大半年，這個男的已經與新婚太太共度蜜月。女的欲哭無淚。後侮不巳，眼白白看着時光飛逝。情人不回，青春不再。最痛苦就衹有自已。所以你要為自已着想，要知道人是為自已而生存。我衹想告訴你：想忘記其實係很一件容易的事情，你要決心去做。時間是可以令一切淡化淡忘。。(雖然過程很痛苦)但苦後才會甜呢！2008-09-01 23:18:29 補充：
剛剛正個巳經過了第十年了。傷口已經好，瘡疤不再痛。時間就是最好的良藥。信我吧！曾經我比你更要痛苦呀！
2008-09-15 9:52 pm
我就覺得一齊不能只靠感覺,這是我男朋友同我講家~!!!
點都好感覺點都會變家,只係睇幾時咁計姐~!!!
而我認為愛人不會有可能有咩野特別指定要愛的東西,不然就不是愛他,而愛的只是那東西而且.如:如果男的愛女的只因為她的頭髮夠長,那意味著如果有另一女子的頭髮更長是否就會變心~????
而感覺仲衰,除時變既~!!!
用感覺黎做界線,太危險了吧~!!!
不過你男朋友都算OK啦,等你過了考試才跟係說,都唔會害死你~!!!
但我始終覺覺,他似找一個籍口多一D
要唔係你大可以找佢出黎同佢講清楚家~!!!
你如果想知多D既大可以先使他生氣,因為男仔在生氣時係會爆好多未生氣時不會講既野家(係喺我男友身上發現家~@@~)
點都好感覺點都會變家,只係睇幾時咁計姐~!!!
而我認為愛人不會有可能有咩野特別指定要愛的東西,不然就不是愛他,而愛的只是那東西而且.如:如果男的愛女的只因為她的頭髮夠長,那意味著如果有另一女子的頭髮更長是否就會變心~????
而感覺仲衰,除時變既~!!!
用感覺黎做界線,太危險了吧~!!!
不過你男朋友都算OK啦,等你過了考試才跟係說,都唔會害死你~!!!
但我始終覺覺,他似找一個籍口多一D
要唔係你大可以找佢出黎同佢講清楚家~!!!
你如果想知多D既大可以先使他生氣,因為男仔在生氣時係會爆好多未生氣時不會講既野家(係喺我男友身上發現家~@@~)
2008-09-07 7:04 am
我不是太明白，但我會覺得你可以等你，但也可以不等他。
等他的話，就當面和他說「是不是不再愛我？」，如果他說「也許」，你就說「我給幾天時間你慢慢考慮，是否放棄我們那８年的愛情」。
不等他的話，就把愛變成恨吧！永遠把那個人的回憶封印起來。
等他的話，就當面和他說「是不是不再愛我？」，如果他說「也許」，你就說「我給幾天時間你慢慢考慮，是否放棄我們那８年的愛情」。
不等他的話，就把愛變成恨吧！永遠把那個人的回憶封印起來。
2008-09-06 2:52 am
男人就係咁架啦
好現實
唔可以就是唔可以
從來冇想過以前的開心事
不會理會其他野
好現實
唔可以就是唔可以
從來冇想過以前的開心事
不會理會其他野
2008-09-03 9:41 am
如果上年既十月你同我講呢番說話, 我一定會很同意, 因為當時我既想法就好似你而家咁~我既立場同你好接近, 甚至不能接受..(那時是因為他有第三者)...同樣地我同佢都係初戀, 都係好多年...我都係覺得感覺是會過去的, 留下的只有感情, 是一段關係中十分正常的發展...不過我而家了解了, 明白了...問題不在於我們自己是否珍惜...而是對方是否想再維持下去..如果佢想要新鮮的話, 是對方未打算定下來吧~所以想變下...而家看來, 我不需再等他了...因為, 當時間沖淡你的憂傷, 你就會發現, 他也沒甚麼值得我浪費時間, 更好的還未到哩~加油吧~姊妹^^想找人傾訴可e我呀
[email protected]
[email protected]
參考: myself
2008-09-02 11:48 pm
傻既..唔好等..你已經晒左8年時間同佢一齊都無結果..
你應該搵個新..8年感情佢都話斷就斷你仲等..
仲要晒自己d青春係佢身上..傻唔傻d呀!
你都27喇..你仲想有幾多個8年等係佢身上呀..
同埋我諗可能佢有新歡..做doctor既好多令女埋身..
就係因為感情淡左..佢都無做野補救..
睇住你地段感情咁就無左..佢都唔識珍惜你..
你仲晒時間..面對現實喇..
你應該搵個新..8年感情佢都話斷就斷你仲等..
仲要晒自己d青春係佢身上..傻唔傻d呀!
你都27喇..你仲想有幾多個8年等係佢身上呀..
同埋我諗可能佢有新歡..做doctor既好多令女埋身..
就係因為感情淡左..佢都無做野補救..
睇住你地段感情咁就無左..佢都唔識珍惜你..
你仲晒時間..面對現實喇..
2008-08-31 10:39 pm
等？！你仲有幾多個八年？你用得細水長流，即係你清楚你哋o既關係啦！喺我個人意解，細水長流係用喺朋友之間感情，而唔係用喺戀人之上，對嗎？！可能你以為大家都係有學識，自不然會對感情負責，而你只是一廂情願去想，大家根本無溝通，以為拍咗拖跟住就結婚，但你想錯了！感情哩樣嘢係冇分男女、年齡、時間、學識、階級的，要嚟o既時候冇人可以阻擋，要走亦冇人可留得住，明嗎？你知嗎？男女雙方唔係一直冇吵架，相處得很好就代表無問題，有乜可能一對戀人相處會無磨擦？一定會有意見分歧，其實偶爾吵吵架都係溝通的一個途徑，當然唔係吵到一發不可收拾的局面，男女雙方會因為吵架而知道對方的喜好，唔係下下要估估下，或者要出口問才得知，吵吵架如果不太嚴重，都係增進感情o既一個方法．
其實你男朋友都不是一時三刻決定要分手，相信他也是選好時機，就是等你好好考完個試先同你講，其實大家都係成年人，你都應該接受現實，感情逝去就係逝去，好難再會回頭，如果佢唔係有第三者，更難佢會回心轉意，因為如果佢真係有第三者，都會可能仲會對你留有一點感情，他朝或會真的發現你才是最好，但如果唔係因為第三者，即係佢都覺得無嘢好留戀，而為你好都係提出分手，無謂再拖．
真的！或者你們維持朋友關係，真的可以細水長流，因為你們之間沒有衝激，唔好因為自己的將來，為了八年的時間，勉強繼續下去，苦等也都是徒然，不如好好面對自己的未來，女人一生不是只是為男人而活，要為自己而活，冇咗一段感情没有什麼大不了，你更應該為自己定下未來目標，要"活得比你好"！知嗎？！
其實你男朋友都不是一時三刻決定要分手，相信他也是選好時機，就是等你好好考完個試先同你講，其實大家都係成年人，你都應該接受現實，感情逝去就係逝去，好難再會回頭，如果佢唔係有第三者，更難佢會回心轉意，因為如果佢真係有第三者，都會可能仲會對你留有一點感情，他朝或會真的發現你才是最好，但如果唔係因為第三者，即係佢都覺得無嘢好留戀，而為你好都係提出分手，無謂再拖．
真的！或者你們維持朋友關係，真的可以細水長流，因為你們之間沒有衝激，唔好因為自己的將來，為了八年的時間，勉強繼續下去，苦等也都是徒然，不如好好面對自己的未來，女人一生不是只是為男人而活，要為自己而活，冇咗一段感情没有什麼大不了，你更應該為自己定下未來目標，要"活得比你好"！知嗎？！
2008-08-31 8:49 am
每一個人對待感情都唔同, 有人希望一生激情, 有人只求有人關心同問侯, 有人想一生處於熱戀階段. 相處咗8年突然間發現佢同你所”要求”既終生伴侶條件唔一樣, 又或者可以話對待呢段感情既方式,放既位置都唔同,咁再行落去又有幾幸福呢? 唔通想搏一搏, 搏其中一方會變而”冒險”結婚?
27歲, “浪費”咗8年, 呢8年真係浪費咗咩? 你真係一D都無得著? 無開心過? 無浪漫過? 無甜蜜過? 最後…無學識過? 學識一個你以為好熟悉既人,你原來都摸唔通, 學識原來一些你認為好有把握既野,都會隨時變質.
失去咗一段8年既感情,當然會唔開心, 除非你一向無放感情落去,同樣對方亦都應該因為放棄呢段感情而唔開心,可能在與你交待之前佢都經歷咗一段”痛心”既時間, 所以無謂再追究/拖拉了. 8年好長, 但係你再等落去只會將年數加上去並唔會為件事帶來一丁點好處,放開自己,唔好刻意所謂”等”,只會浪費青春,到頭來只剩餘後悔兩個字.
你或者會問,可能佢會回頭,所以想等,但係你又點知佢一定會呢,如果唔一定點解要用自己的青春/時間來冒險呢? 再者,如果佢真係會回頭, 或者後悔同你分開,想同你再開始過,你一日未結婚,佢一日都可以再追番你,到時你先”考慮”係咪要接受番佢都未遲啦, 或者到時你已經搵到一個你認為比佢更適合同你共同生活下去既人呢.
仲有, 如果你用一個繼續”等”佢既心情來同佢相處,你又點可以輕鬆自如呢?唔好太高估自己,你一定會不自覺地做出一D行為希望佢會發現你對佢既重要性,你地幾夾等等,對方會無形中有壓力,可能連單獨對住你都覺得辛苦,咁又點會番轉頭呢? 放開佢,放開你自己, 等大家可以係無壓力之下相處,你又或者佢都可以試下同其他人發展,如果你倆最後都發覺最好原來都係對方,最後都會再走埋一齊.
祝輕鬆放手!
27歲, “浪費”咗8年, 呢8年真係浪費咗咩? 你真係一D都無得著? 無開心過? 無浪漫過? 無甜蜜過? 最後…無學識過? 學識一個你以為好熟悉既人,你原來都摸唔通, 學識原來一些你認為好有把握既野,都會隨時變質.
失去咗一段8年既感情,當然會唔開心, 除非你一向無放感情落去,同樣對方亦都應該因為放棄呢段感情而唔開心,可能在與你交待之前佢都經歷咗一段”痛心”既時間, 所以無謂再追究/拖拉了. 8年好長, 但係你再等落去只會將年數加上去並唔會為件事帶來一丁點好處,放開自己,唔好刻意所謂”等”,只會浪費青春,到頭來只剩餘後悔兩個字.
你或者會問,可能佢會回頭,所以想等,但係你又點知佢一定會呢,如果唔一定點解要用自己的青春/時間來冒險呢? 再者,如果佢真係會回頭, 或者後悔同你分開,想同你再開始過,你一日未結婚,佢一日都可以再追番你,到時你先”考慮”係咪要接受番佢都未遲啦, 或者到時你已經搵到一個你認為比佢更適合同你共同生活下去既人呢.
仲有, 如果你用一個繼續”等”佢既心情來同佢相處,你又點可以輕鬆自如呢?唔好太高估自己,你一定會不自覺地做出一D行為希望佢會發現你對佢既重要性,你地幾夾等等,對方會無形中有壓力,可能連單獨對住你都覺得辛苦,咁又點會番轉頭呢? 放開佢,放開你自己, 等大家可以係無壓力之下相處,你又或者佢都可以試下同其他人發展,如果你倆最後都發覺最好原來都係對方,最後都會再走埋一齊.
祝輕鬆放手!
2008-08-31 8:28 am
等乜？
分手得一個原因就係佢唔愛你
初戀分手係辛苦D
頂三個月就冇事
分手得一個原因就係佢唔愛你
初戀分手係辛苦D
頂三個月就冇事
2008-08-31 8:08 am
癈話, 八年就話無感情, 劉嘉玲同梁朝偉又點呀! 人哋拍咗拖廿年,
一樣可以結婚, 可以話你知, 你男友一定係變心, 可以肯定, 做醫生
有大把機會, 忙唔係藉口, 係你自己唔覺啫! 要掛住一個人, 幾忙都
可以傾兩句, 喺電話, 電腦, 問題係用忙做藉口嚟疏遠你, 而你自己
以為真係八年就淡, 多餘啦,...! 佢可能唔想破壞自己既形像, 幾大都
話唔係有第三者! 你自己諗吓 ~ 做得醫生, 何愁無對象, 況且 ~ 八年
真係會玩到厭, 點解唔換果個, 仲要係咁好條件, 真係排晒長龍啦...!
對一個已經變心既人, 你都無謂浪費時間去傷心, 將傷心化做力量,
去學習, 去工作, 青春真係有限咖!
2008-08-31 00:15:02 補充：
一個人要為自己, 你男友仲要搬出一大堆理由, 嚟令你聽到一頭煙, 就好似好有道理,
其實只係為自己舖過另一條路, 就算只是 ~ 感 情 ~ , 更加唔容易放棄, 任何一對情侶
或夫妻, 也有機會到逹 ~ 感情 ~, 而不是初時拍拖的愛情, 難道每對情侶, 也要分手收
場? 每對夫妻, 也要離婚結尾? your bf totally ~ f u c king ~ bollocks!!!
一樣可以結婚, 可以話你知, 你男友一定係變心, 可以肯定, 做醫生
有大把機會, 忙唔係藉口, 係你自己唔覺啫! 要掛住一個人, 幾忙都
可以傾兩句, 喺電話, 電腦, 問題係用忙做藉口嚟疏遠你, 而你自己
以為真係八年就淡, 多餘啦,...! 佢可能唔想破壞自己既形像, 幾大都
話唔係有第三者! 你自己諗吓 ~ 做得醫生, 何愁無對象, 況且 ~ 八年
真係會玩到厭, 點解唔換果個, 仲要係咁好條件, 真係排晒長龍啦...!
對一個已經變心既人, 你都無謂浪費時間去傷心, 將傷心化做力量,
去學習, 去工作, 青春真係有限咖!
2008-08-31 00:15:02 補充：
一個人要為自己, 你男友仲要搬出一大堆理由, 嚟令你聽到一頭煙, 就好似好有道理,
其實只係為自己舖過另一條路, 就算只是 ~ 感 情 ~ , 更加唔容易放棄, 任何一對情侶
或夫妻, 也有機會到逹 ~ 感情 ~, 而不是初時拍拖的愛情, 難道每對情侶, 也要分手收
場? 每對夫妻, 也要離婚結尾? your bf totally ~ f u c king ~ bollocks!!!
收錄日期: 2021-04-13 16:01:25
原文連結 [永久失效]:
https://hk.answers.yahoo.com/question/index?qid=20080830000051KK03151