有醫生信後, 下一步要做d咩?

有醫生信後, 其實你要早D去排期, 政府同私家醫院都好爆

首先要排期做第一次產檢, 視乎你想在私家定政府定私家生, 如選政府生就拿驗孕証明信 &老公身分證COPY去屋企附近健康院排期, 詳情可睇呢個網址

http://www.fhs.gov.hk/tc_chi/centre_det/maternal/maternal.html

去私家生就拿驗孕証明信去你想去生的私家醫院排期, 好似話而家為免D人霸私家同政府兩個床位, 私家醫院連香港人都要比按金, 所以你都係諗清楚去邊度生先去排期啦

當然你排左邊間醫院就去邊度做產檢, 所以你最好搵番近你屋企, 如果唔係到你大肚後期, 個肚鑼咁大都要去做產檢, 好辛苦架

另外以下For Your Ref

(11-12週, 做唐氏綜合症測試--度頸皮 & 抽血18-20週做結構性超聲波, 睇BB心, 肝, 腎, 手指, 腳指齊唔齊, &有無兔唇28週照4D, 呢個唔係必須, 只係好奇想睇下BB, 唔做都得)

呢D政府醫院無架, 私家醫院都未必有, 有都比較貴, 自己搵私家產科診所醫生做啦

我講左政府先啦，有左醫生信之後，就咁拎住封信去你想生BB果間醫院到登記，(最好去屋企附近既，一來方便，大住個肚都唔想周圍行，二來你唔係去你住緊果區既醫院，佢有機會唔比你做登記架)帶住自己既身分證就OK架喇，其他既證件都可以後補
登記完之後就會安排你做第一次產前檢查，未必係即日做既，可能會幫你預第二日。跟住依照住果張預約紙去醫院檢查，去左醫院檢查得兩三次，冇咩問題既話就會轉介你去母嬰健康院，之後就會一直係健康院到檢查到生為止，若果真係有咩問題，健康院都會叫你番醫院做檢查既
到時作動既時候，就去番你登記果間醫院到生。若果係街到行行下要生，仲要CALL白車車你去醫院，果D救護車哥哥都會問你係邊到做檢查，車番你去果間醫院，如果唔係佢會車你去一間最近既醫院
若果係私家生，一般都會自己係出面睇婦產科，果個醫生會因應番佢係駐邊間醫院，然後就會去果間生，未必比你鐘意邊間就邊間架。至於你想去某間私家到直接排期，真係唔知得唔得，因為多數都會好似我上面咁既方法，就算係你自己去私家到，都應該冇得就咁排期，要係佢地既婦產科/門診CHECK左再比你做登記
若果你真係兩樣都登記晒既話，你係可以去到生果時先選擇去邊到生既

你有咗醫生信(証明)後,你可以去醫院book咗先,你最好依家諗定想喺邊度生,之後醫院會教你點做.