葵青區有冇行山路徑﹖

葵青區行山路徑十分多，如果你有留意2次世界大戰既資料，會留意到「醉酒灣防線」其實係由荃灣經葵涌既金山去到荔枝角咁遠。

當中既出發點十分多，最大路既係石籬村後山，或者城門水塘，和宜合道尾既木屋區等等。

青衣區上高山就得回歸徑，我本人未行過，因為覺得簡單(我鐘意長途遠足)，但係話晒係青衣既高點，轉個圈就見到藍巴勒海峽呀，荃灣呀等地方，有好多貨櫃睇添，都唔錯嫁。

葵青區，金山郊野公園有孖指徑可以前往豐力樓或者落埋大埔道去深水「土埗」，或者行過去城門水塘都得。

唔知你指第一次既意思係第一次去行山，還是第一次去呢個地區。
前者既話，咁青衣回歸徑較好(即係第一位回答者既答案所指)，路線小過4公里，一個鐘可以行晒，個山好似得200米左右高，係低難度既行山徑，好似係小樓梯唻添嫁。裝備方面，你日光日白去，坦白講係怕遇賊多過遇迷路，所以電筒呀大量既水呀咁都可以自決要唔要。
但係上親山，我都提議各位帶件風褸或者小食等基本野。

至於葵涌區，普遍既山都可能遇到馬騮，經驗不多既朋友我係唔會提議去既，即使並無馬騮出沒既我都唔會提議初階去行，因為金山既馬騮群高達7個(20年前係大埔道金山郊野公園站只有一個)，因為迫遷佢地會四圍去，所以本身當區行山並不全，萬一遇上馬騮，一般朋友都仲有可能應付到，但係佢地可以上百隻咁圍住一隊人。

所以我重申唔提議你行當區。

青衣徑都唔錯！參考一下啦！