bb出院時著咩衣服+執咩走佬用品

首先講個走佬袋
準備用品 - 大人﹕
洗面毛巾，刷牙用品，梳，產婦衛生巾兩包(我自己就用黏貼既，因為同普通果D一樣，方便D。有繩果D好麻煩，又要自己串，生完之後唔多忍得尿架，所以用貼既好D)，紙巾(盒裝比較方便)，飲水杯，乳墊(不用太多，10-15片，因為第一胎剛生完未有夠快上奶，所以未必用得著)，外套，內衣，內褲(網褲)兩三件(我自己就用普通有彈性D既內褲，因為自己覺得著得舒服D)，清洗傷口器皿(我生果時，媽咪用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便又簡單，可以唔使特登買個清洗器皿)
出院衫褲一套<----可於出院前叫老公帶去醫院。岩岩生完唔適宜吹風，所以好多人會著長衫長褲，有d人驚個頭入風會拎埋帽/冷帽
有D人會帶埋沙威隆開稀佢沖洗傷口，不過未必一定要，我就一次都冇過
準備用品 - BB﹕
尿片一包，濕紙巾一包，BB出院衣服(和尚袍及包被)

以上係政府醫院要帶既用品，若果你私家醫院生既就要帶多套睡衣。另外如果入院時唔係著拖鞋，就要帶定一對去醫院，因為係醫院著拖鞋會方便D。
提埋你，除左隨身帶住身分證之後，記住放定d錢係銀包/走佬袋，萬一有咩事要入醫院果時，身邊又冇人係到，可以即刻坐的士去醫院
到你穿水要入院既時候，拎個走佬袋就得喇，可以將大人同BB既用品分兩袋，入院果時拎大人果袋，入左院之後先叫屋企人拎BB同出院既用品比你，咁就唔會咁麻煩喇
至於穿水果時，一定要著內褲，加用衛生巾，用唔用產婦既都冇問題，因為萬一真係再穿水，用產婦衛生巾都頂唔住。當時係屋企既就著拖鞋去(不過要小心行路)，未上車前最好都唔好亂郁，一係坐定定，一係訓好。因為穿左水之後再周圍郁既話就好易令胎水繼續流，到時生果時就變左"乾生"會好辛苦架喇

如果好似現在的天氣,取一件長衫甲乸衣,薄包被,手套仔---包好一袋告訴家人放在那裏,出院時才帶去


走佬用品---日常用品,例如牙膏牙刷面巾,大浴巾,護膚品,底衫褲..我建議用紙底褲,產婦衛生巾2包,乳墊,2個小盤仔,綿花,廁紙,有蓋的水杯,小型暖水壺,餅乾


如果入院時穿咗水,用衛生巾囉,其實穿水唔會好似電視劇般,好似瀨尿咁跨張,到時你就會懂處理