✔ 最佳答案
我今年16歲..我係有先天性濕疹架..由細到大濕疹都困擾住我..
小學2-4年級係我濕疹最嚴重既時候~! 果陣呢..晚晚痕到醒, 冇覺好訓不突止...
每朝起身..成張床都係我"抓"出黎既皮, 同埋指甲邊都有d血..成身真係冇忽好肉!
濕疹有幾辛苦我好明白..痕到真係冇可能唔"r"佢!
果時我不斷睇西醫..仲試過因為半夜發燒, 去到急症室, d醫生怕我因為發燒, 令皮膚更加惡化, 所以就留院觀察!
2個星期後出院...d皮膚係有少少好轉..但幾日都唔夠又打回原形..
直至我去睇中醫..果個中醫係皮膚專科黎, 我睇左2個星期（一星期1次）,就控制到d濕疹...到左2個月後..我就真係同濕疹say byebye...除左d疤痕之外..我d皮膚完全健康!
就算係咁..都要好小心咁保養..因為我d先天性濕疹係唔會斷尾..
冬天就冇事...但夏天一熱, 一出汗...就又黎架喇! d關節位又紅又痕!
但至少唔會好似以前咁..成身都係!
第1個問題：Merry Clinic的濕疹皮炎方有冇效?
西醫對醫濕疹既藥, 一定有類固醇既成份!
以下係６月２０號既一則新聞：
http://hongkongskin.com/2008/06/20/topical-steroid-long-term-effects/#more-339
市 民 自 行 在 藥 房 購 買 藥 膏 塗 抹 皮 膚 痕 癢 處 ， 隨 時 弄 巧 反 拙 ， 造 成 永 久 的 皮 膚 萎 縮 紋 。 一 名 20 多 歲 的 年 輕 女 濕 疹 患 者 ， 在 內 地 購 買 「 999 皮 炎 平 軟 膏 」 塗 抹 患 處 半 年， 濕 疹 病 情 雖 受 控 制 ， 但 大 腿 內 側 及 小 腿 卻 出 現 大 批 難 看 的 皮 膚 萎 縮 紋 ， 皮 膚 科 醫生 指 出 ， 這 類 含 高 濃 度 類 固 醇 的 藥 膏 不 適 宜 治 療 濕 疹 、 暗 瘡 等 皮 膚 疾 病 ， 反 而 會 令皮 膚 變 差 。
基本上, 坊間好多藥膏我都試過哂..真係冇乜邊隻有效囉!
我試過最有效既一隻..係大陸賣既, 好似叫做"XX BB濕疹膏", 係藍色包裝架, 查完好舒服同埋用左皮膚會明顯好轉...但係用耐左又會開始冇效果!
而且睇完上面篇報導之後...我都唔敢係出面亂買藥膏!畢竟都唔知佢入面有咩成份!
第2個問題：濕疹可以根治嗎...??
其實濕疹要斷尾真係冇咩可能...我唔知你既濕疹係呢幾年先有, 定係先天就有, 只係呢幾年先開始復發啦....前者或者有, 但後者....就好似我咁囉!~_~
我唔知你係全身濕疹定局部濕疹..所以好多野都唔知點講!
如果你想知多d...例如點keep好d皮膚..同埋點介口..歡迎e-mail我^^
2008-09-01 12:59:04 補充：
其實有可能係你本身已經有濕疹既病原, 只不過冇外在既刺激..佢先冇發出黎~
就好似果時我幼稚園, 都係因為出水痘, 之後先有濕疹!
我建議你睇中醫既皮膚科囉..因為我睇左好多年西醫, 都係治標不治本..往往好返少少..冇幾耐又出返黎!而且西醫d類固醇有副作用架~
我12歲果年睇左間幾好既中醫..到e+..幾年都冇復發過la~!係有時..關節位有少少紅同粒粒..果d時候, 查一查藥膏又好返~
2008-09-01 12:59:10 補充：
你記住ar..沖涼一定要用溫水..因為太熱既水會令身體流失水份
而且任何時候..個身都要盡量保持乾爽..沖完涼要成身查lotion, 保持潤滑
食多d西瓜, 清熱....最後~一定要多飲水..
p.s.呢到禁止宣傳, 如果你有興趣知係邊間中醫..可以email我^^
