✔ 最佳答案
侵犯私隱唔係刑事架
而且香港缺乏私隱保護，唯一一條保障私隱既法例~個人資料(私隱)條 例主要係適用於公司 / 機構搜集同使用個人資料時要遵守嘅法例， 私人恩怨並不適用
而且就算個人資料私隱專員公署介入，都只係發出執行通知，要求個業主遵守個人資料實務守則，佢唔遵守先可以告佢
所以，你唔可能以侵犯私隱為由告個業主
反而，個業主應該已觸犯盜竊罪~如任何人不誠實地挪佔屬於另一人的財產，意圖永久地剝奪該另一人的財產，即屬犯盜竊罪 (盜竊罪條例第2條)
盜竊罪條例第9條
任何人犯盜竊罪，即屬犯罪，循公訴程序定罪後，可處監禁10年。
盜竊係刑事案
如果想告業主，可以報警，睇下警方受唔受理
因為盜竊係刑事案，由警方負責調查，由律政司決定起唔起訴
如果警方覺得欠缺證據，唔起訴個業主，咁就無辦法啦，但你可以試下向警方求助先
如果政府起訴對方，會有政府律師跟單案，唔使自己請律師
2008-08-30 16:27:08 補充：
到而家個幾月當然得
2008-09-04 19:27:17 補充：
唔會係備案，你都報左警啦!
警察會唔會做野就要睇警方決定啦~而家似乎唔多夠證據，但係你等警方消息等多陣啦!
仲要話你地無交租俾佢?!
你話你有入數紙係手架麻! 你驚佢有牙! 佢如果要違反租約收樓，一定要上法庭，到時你拎入數紙出黎佢都即刻敗訴啦!
2008-09-04 19:28:56 補充：
如果佢無法庭命令，私自叫你搬，你可以唔理佢
可以,因為業主已租出單位給你,業主就不可保留你單位key(包括信箱)
再說一句,假如你爸爸睇你d信,做絕d你一樣可以刑事告佢,更何況係業主呢個生保人
侵犯秘隱,係刑事喔
有証據就算十年後都告得佢(只係告唔告得入)
正如之前發生過唔知邊個幾年前姦左人,幾年後個女仔認得佢,好似入左罪,不過好似唔係hk
2008-09-02 04:38:05 補充：
去最近警署報警(但唔好用999報)
講事發經過
証據
警察會教你,到時人贓並獲,就得
千祺唔好搵律師浪費金錢,因為你已經肯定佢有偷
到時律師同你講幾句...可能跟本就係你諗既幾句,但就要用多十幾萬律師費(你有錢另計啦)
2008-09-02 04:40:46 補充：
總之你業主犯兩大罪
1)偷竊
2)侵犯私隱(有睇信先成立)
2008-09-02 23:42:52 補充：
合約未到期前如果你有如實交租,業主唔可以趕你走,除非雙方同意解除合約
後事:
到約滿你搬如果佢唔退返按金比你,亦都係犯法,如果金額不足5萬,可以向小額民事起訴佢
P.S.小額錢債唔接受請律師
仲要話我地無交租俾佢<---佢只可從合法途徑搵執達吏收樓,但唔可以恐嚇,但你有晒入數紙呢d証據就唔駛怕
最怕係佢私下留有你家鎖匙,襯你不在爆入你屋(可以的話,set閉路電視),到時呢個係爆格,就算係業主都係刑事,因為佢已簽license租約比你,只要你唔願意,所有人未經租客同意不得進入你家,包括業主
我唔係讀law,只係讀過地產牌時學過呢d(我不是做地產)
有d可能會唔係咁正確,請見諒
2008-09-05 00:36:37 補充：
如果真係同你玩野,你都可以同業主玩野,離開時特登唔交租,而執達吏收樓時間一定係有太陽的時間(當8-7啦),只要你唔開門,佢只會貼張紙在你門口,到等3次先可以師匠爆門
但執達吏唔係乜都可以收走你,只要係關乎生命既佢都唔可以收你(如電飯煲)
在佢第3次黎之前你搬走晒d野,留返d唔會比佢封既野咁就唔駛怕佢
玩大d可以整殘佢間屋,你不仁我不義姐,等佢裝修都又一筆
當然我唔建議你咁做啦
如果可以既話你睇下可唔可以將d信轉地址囉
2008-09-07 17:35:50 補充：
恭喜恭喜,終於攪掂左佢地
業主點會冇錢,如果強硬d,法官可以要佢賣屋賠錢,不過呢方面已經係民事,民事可以庭外和解,睇佢肯唔肯,多過5萬唔肯賠既可以同佢講區域見
