激死人！好賤格！

小弟嘅二手座駕於06年尾被泥頭車從斜路直衝而下撞至毀爛不堪，已經公證行判定為TOTAL LOSS；泥頭車車主及司機皆被警方控告「使用或駕駛掣動欠妥的車輛」，而他們均於08年頭的同一日，在沙田裁判法院承認控罪，本人亦隨即開始追討損失的行動。

首先追對方燕梳公司，點知佢話因為架泥頭車嘅掣動系統經過改裝，車主違反左合約條款而唔肯賠！
圖片參考：http://tw.yimg.com/i/tw/ugc/rte/smiley_12.gif


咁我咪唯有上小額錢債囉！上運輸署查晒對方嘅資料，告晒車主及司機，啱啱上個月至第一次上庭。

結果淨係得個司機嚟，車主就冇到，個法庭主任咪循例叫我地雙方出去一陣傾和解囉！

個司機一味就係度扮可憐、扮死狗，一時就話自己讀得書少，唔識揾律師追工傷，一時又話一路都搵唔到個車主(亦即係佢僱主)，手提又唔通，又話斷左隻手住左成個月醫院，又話自己之前被迫簽「自僱」無晒保障，又話失左業成年仲攞緊綜援，阿之阿佐......
圖片參考：http://tw.yimg.com/i/tw/ugc/rte/smiley_25.gif


但係佢又可以講到佢前老闆原本有6架泥頭車，响出事後就已經賣晒，連原本撞我車個架都Claim埋全保，仲整番好賣埋！連間公司都執埋！連佢都揾唔到老闆咁話.......挑！又話揾唔到老細，但係又知道咁多野，分明係玩我！

傾？傾條毛咩！車主玩失蹤，都費是同個司機嗲咁多，反正佢都唔話得事.....

入番去之後，咪同個法庭主任講傾唔掂囉！點知個主任睇完個File之後就話：「喂！寄去車主度個兩張傳票，住址同公司地址都打回頭喎！」

我「目及」到信封面都只係手寫「無此人」，唔係「無此地址」或者係「地址不詳」；但係個住址係跟運輸署登記，公司地址又係查商業登記，咁有乜理由警察個張傳票就收到，我個張就收唔到！根本唔合理，車價二萬九再連埋D濕濕碎碎嘅費用，都只係要佢三萬三千幾蚊咁大把，駛唔駛玩失蹤呀？！

因為有一個被告無到，傳票又打回頭，法庭主任依家要我再核實個地址，要我再搵車主嘅其他地址，限時我通知佢地再出傳票，再排期十一月中再上庭，好Q煩呀！最近再check註冊署，已經無左車主間公司嘅商業登記.......

對方車主好賤格又古惑，明明有水但係又唔肯賠，我懷疑佢根本唔係搬左，祗係改左名或者係持牌人，明明收到都話「無此人」！
圖片參考：http://tw.yimg.com/i/tw/ugc/rte/smiley_12.gif
；

個司機一面話好耐都聯絡唔到佢老細，但係又知道咁多野，分明係夾埋個車主响度耍我，真係好「慶」！！
圖片參考：http://tw.yimg.com/i/tw/ugc/rte/smiley_12.gif


依家除左去信沙田裁判法院申請攞對方被警察告嘅傳票副本，比小額錢債法庭做地址證據之外，我還可以點做？