想問下長鏡頭(e.g. 300mm)有咩用

冇錯長鏡頭就係用來將遠嘢拉近.另外長鏡有助影前清後矇的淺景深相.另外長鏡的壓縮感較大,比起短鏡,長鏡影出來主體會同背景更加貼近,而且主體同背景大小比例會比較接近,唔會好似用廣角鏡咁影到好誇張咁大過背景.以下網頁有例子.
http://www.eyk.cn/html/200804/03/081712771.htm
增距鏡係平又方便,但冇咁着數的.
加增距鏡會明顯降低光學質素.倍數越大下降越多.一般變焦鏡加1.4倍都好盡,加2倍畫質會好鬆散.通常只有光學質素非常好的定焦鏡先勉強可以加2倍增距鏡.但係最好都係唔加.
另外加增距鏡會降低最大可用光圈.加1.4倍最大可用光圈就縮細一級,加2倍就縮細2級.70-300mm f4.5-5.6呢啲細光圈鏡一來未必加到,就算加到2倍鏡最大可用光圈變咗f9-11.光圈咁細自動對焦應該失效.就算有都慢到嘔.入光量又小,光線唔夠快門會好慢,就算手動對焦都影唔到郁既嘢.
有要求的人只會在最長鏡都唔夠用時才會用增距鏡,例如鏡頭已經係300mm f2.8或者400mm f2.8都唔夠長先會加,一來呢啲鏡光圈夠大,減兩級都仲用得,而且光學質素好,相唔會太鬆散.不過始終都係買長鏡頭會好啲.不過貪得意玩下或者真係冇錢又要長咁都唯有照加.