兩歲小朋友轉奶粉肚疴

只係本人意見:
我以前亦有咁經歷....你好少少正係肚疴,我個女就肚疴,加上
嘔吐(好似開水喉)咁..但我一直唔知發生咩事....仲知就食一餐
嘔一餐...食兩餐一次....直至三個月後....我同藥房D人講...先知
原來我個女唔受得美贊臣A+...叫我去睇醫生...
我一去到睇一個元朗兒科好出名醫生"謝建華"醫生....佢叫我去
做一個化驗...我做完先知阿女唔受得隻奶粉但我唔知...點知食
懷左佢腸胃...結果由醫生開左一隻低敏奶粉佢飲.....
同時醫生話美贊臣A+唔係每個B.B受到....

**如果係有問題就唔好勉強去飲.....飲壞腸胃好辛苦呀...
到時要飲苦0既奶粉就慘.....

首先要話你知，兩隻奶粉係唔可以溝埋一齊黎開奶架，因為每隻奶粉都會有唔同既營養、份量、甚至製法都會唔同，溝埋一齊好易會起到唔同既問題。就算佢真係唔肯飲，你可以試下開稀D，等佢慢慢適應，到佢接受到先正常咁開比佢飲。因為佢都兩歲，開稀D都唔怕，因為佢可以從其他食物吸收營養
不過若果佢依然都係唔肯飲既話，或者飲左都係痾/嘔，咁佢真係唔適合飲呢隻奶粉喇，你亦唔應該比佢再飲
至於番幼兒園，我個仔都番緊，不過佢地飲奶通常都係茶點果時飲既，份量只係一小杯，我諗得5-6安。可以試下屋企照飲番平時飲開果隻，係學校先飲美贊臣。因為佢地D小朋友見到其他人飲，佢都會跟住飲，仲要係乖乖咁飲。若果佢一日飲果5-6安都會痾同嘔，就要叫老師唔好再比佢飲。
若果佢飲左冇事既，就可以照飲，屋企飲一隻，學校飲一隻都冇問題架。如果你覺得應該飲埋同一隻既話，你可以等佢係學校適應左美贊臣之後，係屋企慢慢由第一次奶開始同佢轉，飲得幾日都冇事就OK架喇

Babynat 有機羊奶粉
http://www.organicmama.com.hk/c-p-babyfood.htm