急~~有關文職衣著~~

基本上文職應該係無制服架......
就算有,公司方面亦會通知你有制服,因為通常都要你比按金。
而你自己都可以去問...

而著自己衫返工la,間間公司規矩唔同
以我果間為例
男ge上身一係著t-shirt,一係恤衫,下身要長褲,要過腳眼為之長褲...
鞋就唔可以著拖鞋,涼鞋....

女ge 限制就比較小,如果要著褲要著長褲,要過腳眼,唔可以著拖鞋...

咁我都聽過有d公司可以著背心返工...所以唔定,睇你咩公司,係邊頭返工...你見返中環果d...個個西裝,行政人員服....我有fd返工都係t-shirt 牛仔褲咁....

但係你返工,最好得體一d,樸素一d.唔好太標新立異...都無咩問題
。其實你可以留意下你公司ge人d衣著,作為參考.咁都無死錯人

男仔我建議第一日返工著恤衫西褲, 女仔上身一件恤衫,下身一條裙咁la...返到公司再留意其他人點著la:)

ha

睇你公司傢咋喎

有d要著西裝

有d可以便服

西裝的話 做一套都係幾蚊 好d咪一千囉





視乎公司大小和地區。

中環尖沙咀等商業區，商業大廈的寫字樓，無論大小型公司都接受唔到員工著短褲，星期六除外。

所有商業區，舊式的商業大廈寫字樓，細公司（1-2個職員），低級文職可以著3個骨褲（過膝的斯文褲），最主要睇老闆介唔介意。

工廠大廈，大公司，裝修得好的，不接受。小公司，有點殘舊的，3個骨褲都可以。

深水埗，旺角等街舖低級文職，你點著都冇所謂。

短裙都唔係咁好，膝以上3吋的都唔適宜著。過份暴露，只會比人覺得你唔識做野，無心工作，女上司尤其睇唔順眼，男上司只會覺得你賣弄性感，對形像唔好，升職加薪都輪唔到你。

除非你做倉務，經常要幫手執倉，但都不能太短。