剛換了FIRESTONE車軚, 不知道是否受騙了?

聽你咁講，其實都算好彩，又唔算被騙得好厲害！佢只係出口術用Bridgestone的口音，等你以為係比較出名的牌子；但以價錢計，$450真係買唔到Bridgestone，就算有，都可能係過期或者係泰國水貨；我剛想去Bridgestone Pro Shop換軩，一條15"算係頂級的GR80車軩要成$900，而比較平價的Model都要起碼$650-$700一條，所以間鋪頭都冇騙你錢…

以下有點個人意見可以俾你參考：

第一，Firestone的確係Bridgestone的附屬公司，價錢會俾Bridgestone平；但唔代表唔安全或者唔好；一般車軩其實都通過安全檢定先出廠，對行車安全應該冇太大影響。其實以一般家庭車用的車軩來說，價錢平貴只係取決於其行車舒適性多於所謂的性能，即係可能行車時會有較大的軩嘈，路況唔好時會比較震等等；而新軩都一定會安全，所以你可以放心揸。

第二，最重要係你套軩唔好係過期軩，因為如果車軩生產完成後好耐都未用／未裝，膠面可能會出現硬化，一般買生產期半年內的車軩都OK；車軩生產期可以响軩邊見到，通常會印一串數字（唔係"185/65R14"果組，呢d係車軩尺寸啫，係另一串較細的），一般最尾4個位係生產日期，如3107，係指2007年第31個星期生產，即係2007年8月中左右。

第三，除非你成日開140km/h或以上（一般車軩的性能只會在非常高速時才發現分別，所以High Performance Car一定唔可以慳錢用平野），否則跟本唔一定要買好貴的車軩，只要你而家套車軩行時平穩舒適就可以。

最後，其實而家市場上都流行用大尺寸的車軩，所以車軩廠都主力生產／軩鋪亦主要會入大尺寸的車軩（16"或以上），反之14"或15"的車軩仲貴了，因為需求不大，而存貨又少。好例子係我想買的15" GR80車軩要成$900；但我個friend買同一model的16"都只係$960；可見細尺寸的車軩唔代表一定平好多。

Wish you safe trip on the road!!!