新的公屋住戶, 開電, 開水, 煤氣要多少錢?

水電媒分別都要比按金的. 只需打去佢地個客戶服務熱線即可口頭申請. 如果你個間係全新公屋. 需約時間上去裝錶 ka wor. 如果已經有錶, 都要上門開錶的. 按金方面, 一般唔使即刻比的. 佢地會之後寄單比你. 安裝或開錶方面, 通訊一星期內會上黎. 你自己就時間 lor. 要搵屋企人係道等 ka la. 裝好晒水電媒, 仲要裝修呢. 如果唔使, 我 lum 2星期內必可入住 la.

電 ：中華電力$500
煤氣：$400
水 ：$300
以上是按金。
公屋簽約後區長在住户同意下﹝會叫你簽名確認﹞，会將住户資料送交各公用机構﹝水、電、煤氣、電話﹞，之後你自己打電話或親自到各門市申請開錶都ok。基本上水、電都已經有得用，煤氣就要約時間到單位開錶，同埋要去門市揀爐﹝煑食約仟多元，熱水爐三仟貳佰多元﹞，約時間裝爐呀，一般一至两星期可以。若不介意無熱水沖凉同不必煑食﹝電器化除外﹞，即刻都可以人住。

不論新舊屋村, 水,電, 電話, 都不需要自己申請, 收樓時主任會交齊所有文件俾你簽, 代你申請開戶, 叫做一條龍服務. 也可自行申請.
煤氣則忘記是否包括在內.
如果是新電話號碼, 應自行申請, 揀選迎新禮物.
原則上, 不論新舊屋村, 水電都即刻有, 只是簽名轉名. 電話則可能要1星期 (根据地區而定).
如果新屋村, 所有有關機構會在收樓處附近開檔, 即時選購爐具 及約定時間安裝.
舊屋村如果用舊煤氣爐, 電話預約時間安裝即可, 如果要買爐, 最好去煤氣公司選購.
不論新舊屋村, 煤氣或電力公司都會給予新住戶熱水爐及煮食爐折扣, 所以最好親自選購格價.
如果買煤氣熱水爐及煮食爐, 有分期. 電力公司好似都有, 你要格價.
如果唔裝修, 你清潔完後可即時入住. 無煤氣可以暫時用電磁爐, 基本上無問題.
按金, 睇你單位大小而定, 等其他網友給你.

2008-08-29 19:00:23 補充：
我見過有人, 上午10:00收樓, 下午約3:00, 已經搬入伙. 效率好高.