在無重狀態下,身體內成份比地球有咩差異?

在下並非專業人士, 以下純粹個人意見
如果單單係無重狀態, 而空氣既氧含量同氣壓不變, 對血液同淋巴液既成份好似唔會影響架喎. 呢方面未見到有人討論過, 以下都係自己想像出來的:
無重狀態最大既影響係 因為唔使用力維持直立狀態, 成個人既運動量少左. 即係肌肉收縮少左, 亦因此淋巴液較難回到心臟, 咁咪會較易發生水腫囉. 咁水腫時淋巴液總量多左, 會唔會令血管入面d血杰左[其實係紅血球濃度按比例高左] 咁大影響呢, 就不得而知嘞.
其他比較多人聽見有人討論既係骨質密度問題. 由於無重狀態下, 骨骼不再需要支撐直立既人體重量, 即係骨骼感受到既壓力大大降低. 咁情況下生活長時間[例如幾個月甚至幾年], 身體會誤以為其實都冇需要生得d骨咁實淨啫, 就會開始 [回收] 骨頭入面既鈣, 排出體外. 冇錯, 係太空生活, 骨質疏鬆d 真係冇問題既, 問題係一旦回到地面, 麻煩就大啦, d骨咁疏鬆,承受番人體既重量, 就好易斷啦! 所以, 長時間係無重既太空逗留, 係需要預防骨質疏鬆既.