油乳膠 ..........question,thank you

ok我試過，效果唔差，當然唔似專業人仕﹝油漆師傅啋你都傻﹞，勝在夠快夠平，唔使塵土飛揚，同埋可以逐處慢慢做，仲清潔埋。
你先用白膠漿執好牆紙損坏處、有甩灰就用牆之宝呀、菊花牌平底漿呀批平佢。乾後就可用乳膠漆直接髹上，不用稀釋，沒水份不必擔心『拿』起牆紙。以此方法油两層已經好靚，好快府上就渙然一新。

2008-08-30 02:29:16 補充：
我用ICI多功能漆架！

在牆纸上油乳膠; 最好唔好咁做, 因為灰或及牆紙可能有些已脫離, 再加上牆紙受水後可能會因為太濕而熔解.
無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 剷底
2. 油防潮底漆
3. 批灰
4. 打磨平滑及淸理乾淨
5. 油啞白底漆一次
6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

搓灰程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充.

牆纸用了10年應起出, 查看牆炭有無撲起或鬆散. 牆身無問題上光油打底防潮, 再油兩層乳膠.

家裹的牆纸用了10年,紙如起漲或裂痕,不可能油乳膠,收縮不平衡不美觀(少量可以),(現在少用墙底紙的道理)补工比新貼更困難,你要考慮吓最後計劃。