✔ 最佳答案
價格同供求有關, 要買左一樣野唔會蝕, 一定要求過於供, 一係就限制供應(呢個就係限量版名牌既方法), 一係增加需求(呢個就係點解要電腦不停出新款)。
咁既然自己唔係生產者, 又想買野保值, 只有買有限制供應既野而又有有錢既買家,金條供應量都多, 唔係金價又點會日日上上落落; 勞力士同Hermes - 潮流唔興就一樣無人願買; 鑽石根本係De Bear刻意限制供應, 根本多得不得了, 只係唔攞出市場, 幾時呢個人為現象消失(非洲政治穩定), 呢個價格神話就玩完; 所以最好就係古董, 大哥, 邊有人可以生產幾千年前既青銅器呀?! 又或者叫畢卡索再畫一幅蒙娜麗沙?! 但國家級既藝術館同慱物館一定存在, 重幾時都有錢 (印銀紙都得啦), 咁就幾時都有買有賣。不過, 好多國家都唔準私人擁有國寶既。