有關紅白av線出5.1聲度 (20 FUN)

單純紅白線係只可以出到2聲道,出唔到5.1聲道的.嗰啲所謂兩聲道轉5.1聲道只係靠將左右聲道加加減減夾硬做啲效果出來,超低音更加只係將所有聲道的低音瀘出來,並唔係原本獨立收錄的超低音聲道.
要出5.1有幾種方法,分別係連接HDMI,光纖,同軸或者六條線的模擬輸出.
唔知你既訊號是甚麼,同埋你個Creative喇叭支援甚麼輸入.如果係DVD機的話最小應該有光纖或者同軸,如果Creative喇叭有相同輸入,咁直插應該就出到.
不過有啲PC喇叭由於成本問題,會唔做個解碼,淨係得六條線既模擬輸入.咁你就要有一部可以用六條線輸出5.1訊號既DVD機先得.
如果咁啱你既DVD機冇呢種輸出,又或者其實你想接機頂盒,PS3等沒有這類輸出的設備就麻煩.
因為你要買一個外置的DD/DTS解碼器先得.有咗佢就可以用器材既光纖輸出駁落佢度,佢會幫你解碼然後變成六條同軸線輸出,就可以接上你的5.1系統.
以前DVD初出的時候,好多AV擴音機都冇5.1解碼,這類解碼器是經常見到的,不過而家好平既DVD機都有5.1解碼,這類解碼器在市面唔多見有,你可能要去腦場碰碰運氣.
http://www.topshop.com.tw/cckckimo/product_one.asp?guid={B90DA5E1-B887-A145-BCD8-8723989E837B}

2008-08-29 14:51:16 補充：
我都估到會有呢個問題,其實我都唔知香港邊度有得賣,只可以去電腦商場或者鴨寮街碰碰運氣,或者上網買.