急急急...20點.....同時遺失身份証.回綁証.....

如果身份證同回鄉證都唔見左,係要補領左身份證先既.
身份證就去人事登記處補領,收費$355,10個工作天後領證.如果你有護照或者其他可以證明你身份既證件,帶埋去會好d,無都唔緊要,因為其實都係靠對指模核實你身份.
你可以上網或者打電話預約時間,咁就唔怕無籌,網址http://www.gov.hk/tc/residents/immigration/idcard/bookregidcard.htm,電話25980888.至於去唔去警局報失就你自己決定,報失並唔係補領手續既必要程序,而當你補領左之後,遺失既身份證先會失效.
補領身份證之後,會發張收據俾你,張收據同時係臨時身份證,你可以拎去申請回鄉證,當然最好上網預約先啦http://www.ctshk.com/passport/bookrep.htm.
遺失補領10年期或3年期《港澳居民來往內地通行證》(回鄉證),收費分別為$560或$400,12個工作天後取證,快證5個工作天後取證,加收$200.
另外,張臨時身份證係唔可以用黎過關既,有護照可以用護照過關,無的話,可以去申請回港證,即日可以拎到,單次$46,5年有效多次$140.亦可以上網預約時間http://www.gov.hk/tc/residents/immigration/traveldoc/hksarpassport/booktraveldoc.htm,而灣仔總部係無限籌,所以唔使預約.