我的倉鼠 - 小露寶絕食

A.除左唔食野,仲有冇第d異常既地方?活動正唔正常?有冇第隻鼠一齊住?近排有冇食過d咩特別野?咁細隻既倉鼠,唔會有好多肉俾佢消耗體力,完全唔食野既情況下,就算只係1日冇食野,都已經有可能有血糖過低既情況,所以一定要小心處理

B.如果你既鼠鼠有野食,但又唔食,就要留意以下既問題:
1)有冇俾鼠糧以外既野俾鼠鼠食?
如果成日俾零食,甚至人既食物俾鼠鼠食,好易令鼠鼠食過其好食既,而唔食冇咁好食既鼠糧,但絕對唔好因為咁而再俾零食or人既食物俾佢食

2)轉糧
買返唻之後食既糧可能同之前食既唔同,新既糧鼠鼠唔慣都會唔食,所以平日轉糧既話要慢慢混合咁去轉,冇咩必要既話就唔好成日轉糧

3)食左你唔多覺?
鼠鼠好喜歡收埋食物,留意會唔會鼠鼠係食收埋左既野,而令你以為佢冇食
可以清晒個籠既食物,再放一定數目既鼠糧,過一段時間就可以了解到鼠鼠有冇食野

4)天氣熱,有時都會食少左野
消暑方法:
夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用)
市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼.都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻...
所以我本身就用風扇遠遠地咁吹 散熱板

5)情緒問題,可能有打交情況or有咩令鼠鼠驚
新鼠買返唻未習慣人同環境,好易會受驚,如果有急住同鼠鼠玩既話,問題就更大
而倉鼠係獨居動物,根本唔適合同其他鼠一齊住既,有第隻鼠一齊住既話易令鼠鼠受驚受驚,有機會誘發疾病
都要留意返會唔會有d咩改變or事情令鼠鼠受驚唔食野
除檢查身體外,都唔好打擾鼠鼠,等鼠鼠冇事正常之後,再俾鼠鼠靜兩日,先用以下既方法去同鼠鼠建立關係:
http://hk.knowledge.yahoo.com/question?qid=7008080603223 A項

6)身體有冇異常?
可能鼠鼠身體唔舒服,所以冇胃口食野,要仔細檢查鼠鼠既身體同排泄物
如果佢冇力去食最好就餵下佢,放近d佢,可以試俾d白麵包同麥片,睇下佢食唔食

C.如果情況嚴重,最好睇下醫生:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

可能鼠鼠剛剛去你home有壓力
我隻鼠鼠之前買都係唔願進食
或者係同鼠店D糧不一樣
鼠鼠吃不慣
過1-2日都唔食就可能係病左
個陣就最好帶鼠鼠睇醫生
希望你隻鼠鼠食番野
可以肥肥白白
不過唔好太肥

你試下用好小好小既糧撈埋D木康比佢,
唔好比食物兜佢,
通常D倉鼠咁既話會肯食野/食多D。
因為佢地原本就係要周圍搵野食,係比人養佐之後先有食物兜。

通常d倉鼠 唔食野都係有病
我之前果隻都係咁
如果好似你咁講話買左3日都唔夠
就可能係本隻間寵物店唔衛生
如果下次再買就去d大間d寵物店會好d