容祖兒新碟In Motion 意見?? 10點

跑步機上

呢首歌既節奏感好強。
一開始既背景音樂好有節奏感，
令首歌好吸引。
祖兒既唱法亦都好特別。
同埋祖兒既真假音轉換真係令我聽出耳油。
而歌詞亦都有意思。
『來吧，來吧，來吧，來吧』呢到真係好好聽。
祖兒既尾音收得好靚。
不失為第二首四台冠。

與蝶同眠

更加唔洗講，兩個字形容晒。
震撼！
一開始聽DJ版已經好鐘意。
CD版，令首歌大大咁加分。
呢首歌我唔識點評。
但係無論係唱功方面定係首歌既感覺方面，
都係一流。
停頓位，好有感覺！
雖然歌詞真係有D難明。
但係無傷大雅。
最後一句仲係全首歌既精華所在！
推介！

夢非夢

夢非夢係一首柔既歌。
好有中國既味道。
前段雖然平，雖然柔。
但係呢個就係呢首歌既賣點。
後段既高音同升Key。
祖兒做得愈黎愈好。
不過我覺得前後段差距太大。
如果平均返少少會好好多

二人浴

一開始D聲我真係唔鐘意囉。
祖兒既唱法亦都好柔和。
配合到首歌！
但係歌詞。
唔好意思！我覺得唔掂！
果D『YAYA』聲，其實無左會好D。
同埋全首歌都好柔，
我一向唔太鐘意呢一類歌。
可惜了

忘憂草

先講歌詞。
好淺白，好易明。
首歌第一次聽唔太鐘意。
但係第二次開始就聽得出首歌既味道。
首歌既開頭，幾好聽。
但係我覺得唔夠搶。
同與蝶比一比，即刻比下去！
始終，一首歌能唔能夠成功。
真係好睇果首歌夠唔夠搶。
雖然後段好高音，但係始終拉唔返首歌上去。
唔PLUG呢首做第2PLUG係一個明智之選。
呢首歌係聽感覺，唔係聽唱功

愛怪物的你

如無意外，應該係第3PLUG。
一開始好有期待去聽呢一首歌。
一聽背景音樂，
好開心，好似好正咁。
呢首歌將自己代成『怪物』。
好新鮮。
首歌好舒服。
雖然同我想像中有一段分別。
因為一開始我以為係『啜泣』類型。
可惜唔係。
但係歌詞，我就真係唔太鐘意喇。
唔知點解，我覺得好無美感。
最後一段好正，停下停下咁。
最鐘意。
但係，唔想我想要既。


Scream!

好搶好搶。
一聽就覺得好搶。
好多高音位。
同暖光有得揮。
唱腔方面，我都好鐘意 XD
歌詞都好白。
愈聽覺得愈好聽。
『幾多抑鬱都會碎掉』呢一句唱得好正。
我好鐘意呢一種唱腔。
中段有一小段英文，都好好聽。
完全配合到首歌。
最後一段。
最後個Scream!。
聽到我啞左，好高音。
聽到我好爽。
推介！


蛇

個唱腔懶洋洋咁，好配合『蛇』
背景音樂都好好聽。
首歌既MELODY亦都唔差。
一開始以為呢首係快歌。
原來係一首唔錯既慢歌。
呢首歌無賣弄唱功。
但係仍然好成功。
就係因為個唱腔。
最後一段副歌，
有少少迴音，更加令首歌加分。
歌詞都好好，將蛇既世界寫出左黎。
唔錯！

頹

我唔識欣賞- -
聽果陣真係成個頹晒囉。
以為呢首歌個唱腔會好『頹』
點知原來唔係。
而且首歌真係悶悶地。
不過首歌既詞救返首歌。
份歌詞。
將『頹』人既生活交代得幾清楚。


28個我

呢首歌係最後一首。
一開始睇到D人話好好笑。
我都滿心歡喜咁去聽。
D對白真係唔錯。
首歌好好玩，哈哈
不過有部分讀白唔係咁清楚。
如果清楚D會好好多吧。
唱既部分雖然少，
但係都唔算差。
而且容祖兒將自己既
『你地唔係噓我掛』放係首歌到。
完全唔驚外界批評。
果然係我欣賞既容祖兒！

最低 10最高


1 跑步機上 (我聽果,,好正)

2 與蝶同眠 (節奏??旋律??內容??)

3 夢非夢 (節奏??旋律??內容??)

4 二人浴 (節奏??旋律??內容??)

5 忘憂草 (節奏??旋律??內容??)

6 愛怪吻的你 (節奏??旋律??內容??)

7 Scream! (節奏??旋律??內容??)

8 蛇 (節奏??旋律??內容??)

9 頹 (節奏??旋律??內容??)

10 28個我 (節奏??旋律??內容??)


出售#容祖兒香港演唱會 ！即上 Ticketbuynow.com購票吧！

佢本來話28號出....到而家都重未出...
好似9月頭先出呀.....有排等...慘