如何教2歲的小孩不可以動手打人?

佢打你
你就打番佢
佢打輸左就會黎打你
( 請針對問題做詳盡的回答 )
字數統計：17字

睇完第一個回答, 就覺得 D 咩 "講座" 真係好廢話 !!! 唔好講 2 歲小朋友, 就算 22 歲的後生仔都未必會同你思考... 得個講字, 老實講真係有 D 嘥氣.. 解決問題, 就要知道問題的原因.
既然你唔係小朋友的媽媽, 自然唔好意思打佢鬧佢. 當然只有將件事話返比佢既父母聽, 等佢地解決. 不過, 小朋友做每一樣野, 其實都有個原因, 亦都係最直接既. 首先, 你先睇下佢點解要打你. 係同你玩個一隻打 ?? 定係發晒惡, 大大打咁打 ?? 依個問題對解決事件有好大的分別.
如果佢係同你玩既, 咁你只要唔理佢, 唔好比反應佢, 甚至走開, 當佢覺得唔好玩既時候, 佢就會放棄了...
但如果佢係發晒惡, 大大打咁打既, 咁你就要諗返自己做過 d 咩先, 點解佢要咁憎你打你呢 ?? 最近會唔會係你鬧過佢 ? 打過佢 ?? 搶佢野玩 ?? 唔比野佢食 ??? 佢唔鍾意你就一定有原因既... 對症下藥... 同佢扮返 friend, 比個糖佢食等等, 小朋友係最唔記仇既... 有野食有野玩就唔記得架啦 ...
如果係無情白事打你, 即係個小朋友可能已經被人寵壞左... 咁你就唔需要比面啦, 打佢一下手板, 或者用眼 "掘" 住佢, 再講 "再打呀拿"... 通常小朋友就會驚, 唔敢再放肆... 我講出黎,一定比人鬧我打小朋友, 但小朋友係某情況又真係要加以管束, 打同鬧係最差既方便, 但如果小朋友已經被寵壞, 你講咩道理都唔會有用. 最直接就係比佢知道佢做錯事既後果.
而家唔教, 大個 d 想教都唔駛旨意 !!! d 咩講座, 真係慳返... 同小朋友做朋友, 電視劇先會出現既劇情...

其實聽你咁講, 佢都係有樣學樣啫~
小朋友打人, 爸爸同佢講幾句後, 又打佢. 咁叫佢學邊個啫?

其實解決小朋友打人,首先要了解佢為何動手打人, 之後再令佢明白, 打人會令對方受傷, 唔開心, 而且事情唔可以解決到.

舉以下例子:
當小朋友打你時:
你: 點解你要打我呀? 有咩令你唔開心? 講出來睇下我點樣改過令你開心番?
小朋友: 你唔俾我食朱古力 (我只假設)
你: 哦! 我好明白你感受, 如果係我無得食, 我都會好唔開心, 但其實我唔俾你食, 係擔心你會咳, 到時病左, 你要食藥喎! 你就會好辛苦, 我見到你咁, 我會好心痛架! 所以, 你乖乖啦! 好唔好 (盡量溫柔d 氹佢)

(首先要係佢立場諗, 要有同理心, 明白佢難處, 然後再講你苦處.....)

你: 但你咁打我, 你知唔知我好心痛, 個手又痛? 連你隻手都好痛架? 我知你唔開心, 但打人, 係唔啱的, 如果別人打你, 你會點? (讓佢思考下)

最後, 同佢父母傾下, 唔好次次都要鬧或打了事, 咁樣, 佢都會重複又重複咁打人的.

你是否小朋友的媽媽, 都不是關係, 最緊要是你想佢好啫!

希望幫到你啦!