15點...好煩呀...入黎幫幫我><” (篇野都幾長下..唔好mind)

我係做飲食..係依家間公司做左差唔多1年...呢1年裡面發生左好多唔開心既事...所以中途都會有諗過走...但礙於有d同事對我都好好...
我又唔捨得...而且當時經濟又出現左少少問題...所以繼續咁做落去...
到最近...因為我想轉行做下其他野...例如sales咁...因為話晒我都做左飲食成5年喇...真係想轉下做其他野...咁我都未有正式咁講明我唔做...
因為有d同事都講左唔做...咁佢就問埋我係咪都係咁諗...佢話佢覺得我係...但我其實個心仲係15/16...決定唔到...我只係話我有諗過...咁佢就講左好多野...例如升我呀...幾時幾時會加人工呀...咁佢就叫我諗下...咁我就話我考慮下啦...跟住我琴日因為唔舒服所以打返去請假...老闆娘聽...我話我唔舒服返唔到黎...跟住佢語氣超唔好咁話:你又返唔到...你唔好同我講呀...同阿邊個邊個講啦...同我講冇用架...跟住又叫我第日拎醫生紙返黎...跟住我話好之後就收左線...跟住隔一陣佢又打返俾我...我一聽佢就話..."你唔舒服要睇醫生...哈哈...你唔好當我3歲細路啦...你呃到自己呃唔到人架..."跟住我話..."我呃你咩呀?我呃你咩先?咁我真係唔舒服呀嘛..我有醫生紙俾你就得啦..."跟住佢又話.."我地點對你你知架...你依家係度玩野..."跟住一輪咀係度話我玩野..."跟住我話我依家玩咩野呀?跟住佢就up左幾句就收線...哇...我即刻覺得好委屈囉...係你地問我係咪咁諗...我都係照直講話有諗過姐...我又冇話一定會走...佢依家講到咁...我冇野好講啦...今日我返8:00...但我冇返到...當時公司冇打俾我...只係岩岩打過俾我2次...同send左2個sms俾我...但我真係唔想覆佢地...覆佢地又唔知會講d咩...雖然我知唔聲唔聲咁走好衰...而且我未試過搞到咁薑...但我真係唔知點面對佢地...所以我打算呢一個月糧唔要...俾佢扣代通知金...我知咁樣做好蠢...但我自問我係一個好介意人地點睇我既人...我已經係呢間公司俾人hurt左好多次...我真係冇心機再撐落去...俾著係你...你會點呀?!