有關投影機

$8000呢個預算只可以買到720P既投影機,仲要未計幕,可能要用多幾百蚊買塊平既手拉幕.要有心理預備呢啲幕用得一年半載就會好易起波浪紋.呢個價位唔可以對畫質太高要求,特別係黑位會有小小灰.建議你可以考慮BenQ W500.以下有佢既測試.
BenQ W500
http://www.projectorcentral.com/benq_w500_home_theater_projector.htm
至於可唔可以玩遊戲機既槍game,如果係PS2就一定唔得.PS2係一定要用顯像管電視玩的,但係PS3就改咗用外置感應器去感應支槍發射既位置.要自行裝兩個感應器在電視機兩隻角的,相信是因為越來越多人用LCD電視的關係,所以有呢個設計.其實我都在銅鑼灣陳列室問過Sony啲人用投影玩得唔得,佢地答話係得.但我只係信一半,因為我相信可能佢地都未必試過,只係隨口答我.就算得可能都有呎吋上的限制,斷估遊戲機的感應器唔會好勁,投得太大可能會有問題.

2008-08-30 07:08:02 補充：
有一萬蚊預算可以考慮Epson TW700.雖然都係720P型號,但對比度高啲同埋光好多,啱晒打機.睇戲都唔差.
http://www.epson.com.hk/en/prd_svc/prd_detail/overview.html?prdid=816
白牆物料始終唔係針對投影用,會對畫質打一定折扣,不過好處就係唔會好似手拉幕咁玩一陣就起波浪紋,建議你可以用住先,想升級先買幕,既然你有大片牆冇嘢遮就唔好買手拉幕,改為買固定幕,咁就一定平.
最後要留意要獲得最好畫質一定係全黑環境.開燈或者遮光做得唔好畫面會大打折扣.